兔癡收獲(明天開始放假啦^O^)

明天開始放兩天假期>v<, 加埋星期六至星期一成五日假呀. 呵呵呵~~~~

唔知由幾時開始, 養成左"無兔不歡"既習慣. 開始收集d可愛既兔型物件, 今日又有收獲了.

做完Facial, 睇下扭蛋有冇新野反, 就見到有呢種鏡抽. 諗住碰碰運氣啦. 第一次抽到史廸仔, 諗下往時抽第一部機唔中想要的唔信邪又o向返o個部機抽. 今次精左啦@o@v, 我轉另一部機再抽. Ya~~~~~ >v< 就中左佢了. Miss Bunny其實好得意(當然啦! 兔黎喎), 但有時整佢d表情動作有d作狀到難以接受. 但今次塊鏡既表情真係好得意. 錫啖先~~



間精品店話裝修八折, 但好似八折左好耐, 諗住睇下重有乜野"執", 差唔多睇完既時候....

有新野! 係動物! 再睇清楚, 嘩~~~ 有三款係兔仔呀!

 

 

鳳園及大埔海濱公園

今日大約點幾約左Annis一齊去大埔鳳園影蝴蝶, 因為我地都未食飯所以就去麥記買左好好味既脆雞飯tastic餐, 諗住去到目的地就坐o向度慢慢享受. 初時我地諗住搭巴士去目的地, 但爸話搭的士更好, 所以我地就選擇左打的啦.

到左目的地, 我地就一路搵睇下有乜正位座啦. 點知搵極都冇, 就唯有企o向度食野啦=o=. 我地一路食就一路被"食"中, d蚊已經o向我地d手度開緊餐了=o=, 所以我地就極速咁食晒d野佢.

 食飽飽後我地就行返去入口到開始追蝴蝶啦. 原來鳳園只係一個好細既地方, 而且我地見既多數都係一般既粉蝶, 唔知係咪因為我地太遲先黎既關係呢. 雖然久不久都會見到d大大隻既蝴蝶, 但佢地都飛得好急同好快, 我既相機當然係影唔到啦>.<. 警覺性實在太高了@_@""" 反而影到好多幅蜻蜓既相. 哈!





 

~~~呢兩隻蜻蜒都好"大方"任影唔嬲

 

 

金色o個隻甲虫(應該係甲虫吧), 好遠就見到佢, o向夕陽低下反晒佢既金光出黎, 原來佢重係透明既tim, 好正.

 

~~~係咩黎架呢, 咩黎架呢...哈哈哈!蚊子既型狀. 當然要做到咁既效果只有係根基穩固, 武功高強既世外高人先做得到啦! (傻傻地...)

回程時我地就自己行出去, 行到出去大埔工業邨. 我地就再行埋去大埔既海濱公園, 原來條路係遠得咁緊要的=o= 好在黎時係搭的士唔係就更加更加攰了.

入到去公園以為冇乜野影, 諗住搵噠草地訓陣. 點知遠處見到有一片紫色, 橙色及黃色. 原來係一個好大既花圃黎的. 哈! 我地即刻精神晒, 原來呢度先係公園既重點, 點知, 原來咁大片既花圃係唔比人進入的= =" 得個睇字..... 好在佢花圃旁都重有d花可以影下, 一路影一路行, 原來有個幾大既噴水池, 影影下突然發覺好多人o向度幫靚女影相, 而其中有pair偷偷地走左入花圃度@o@. 我地當然唔輸蝕(香港人= =""), 初時只係偷偷地o向角落度影, 跟住就走埋入去了. Annis幫我影左幾幅後, 正當輪到佢影既時候, 我就見到有個管理員以時速九秒九咁衝緊黎花圃. =o= 嘩! 嚇到我地即刻彈返出去. 真係"彈"口架XD~~~

 

 

 



當我地以為又冇乜野影, 正諗住走時. 又發現左原來有個玫瑰園. 個玫瑰園正面係有幅好大既牆,  而牆上就有好茂盛既蔓藤植物, 因為佢既入口好細, 幾乎係比d植物遮晒咁滯, 如果唔係我地o向旁邊見到, 可能真係會miss左的. 入面種左好多好多玫瑰, 本來好正的, 但近睇就發覺d玫瑰好似係有病, 希望花王可以整返好啦, 下次黎時見到佢地靚返晒^^. 入面除左玫瑰外, 重放左d好英式既白色古典長橩, 真係幾鬼正, 而另一邊就有d白色既欄杆同有獅子o個兩旁既白色橩. 真係突然覺得自己好似入左外國既古典花園咁. 可惜我地今日既衣著一d都唔配合現場環境. 呢一刻真係想自己著住喱士花邊裙呀. 哈哈哈~~~~~

終於影到入黑咁滯, 我地就返歸了, 又係行到死死下先行到去大埔超級城o個邊. >o<我now累到即刻訓得著覺, 但今日係星期六, 唔想訓住>.< ~

 

沙田南山谷

今日同Annis一齊去沙田, 周圍行左一陣之後, 我地去左新城市廣場既南山谷食晚飯. 我一路都以為係食日式野, 原來係韓式的. 跟住叫左一個石頭雞飯...

跟住就點呢? 哈哈哈~~~ 今日o向公司得閒到可以睇返自己以前寫過乜, 居然寫寫下就冇左下文. 哈哈~~~

我記得呢個石頭雞飯係幾好味的, 但之後再去就麻麻地了.

08年四月十一日(居然相差成兩年)

復活節快樂^o^

復活節假, 連埋星期六日. 成四日假, 真係Happy !

收到大伯寄黎既復活節卡, 重有另一張都係兔仔的, 好正>v< 睇到就開心了!

 

 

自來蟬&墨綠玉

今日下午在家突然聽到幾聲很響的蟬聲, 原來係有隻蟬飛左黎我地家露台. 呢個時候當然係極速拎個相機黎影低佢啦^^ 當影完一幅正想幫佢拍埋"個人video"時,佢就飛走左了.

到黃昏時, 我同媽去左新港城, 而行行下行, 去到一間幾熟絡既玉石店時, 阿媽就飛咁快走左入去. 當然實有戰利品啦.

 

而其中一樣就比左我負責戴靚佢啦, 唔知我得唔得呢. 影低佢一年半載後再睇返先.

 
 

係乜黎呢?

乜黎口架?~~~~~~~~~~~~~~~~~~~係爸爸自家製的盤香架, 充滿環保氣色呀. 哈哈哈~~~ 

放公眾假期的一天

九點幾食完早餐, 由恒安沿海傍向烏溪沙方向行, 今日溫度成29度. 可能太熱了而且濕氣也重. 所以很易累, 不過今日好有夏天既氣氛. hohohoho.....



 

馬鞍山中央公園內的花花

 

 

伏在隧道樓梯的虫虫

 

沙羅洞

兩點鐘幾出門口, 本來係想去鳳園影蝴蝶的, 但去左沙羅洞. 諗住附近都應該會有幾多蝴蝶吧 =o=.點知原來比西貢還少而且也沒有太多種類. 而且d蝴蝶警覺性極高呀>o< 結果得以下呢幅收獲:

 

 很美的野玫瑰



N年前在某小島見到的花, 原來在沙螺洞也有一棵. 因為中心是星星形所以就叫它做星星花

06生日

今年很早就收到很多的"生日快樂". Thx!
同往年一樣如果今日係星期六的話就要開O.T.了, 所以一早就返左工.

到大約兩點四十五分就返Flash 班, 原來由公司返到大圍都要幾耐時間的, 搗到遲左.  到放學時原來Annis o向Itaian Tomato買左兩塊小cake, 一個係me至愛的朱古力味一個就係佢like既提子冧酒味. 我地每款一人一半咁試左, 雖然冇上個week食既cake咁好味(我鍾意味道較濃的

),但今日吃既和平時不同, 有點特別既味道, 可能就是心意既味道吧! 而且重收到生日禮物呀, 

Thanks! 哈哈哈哈! Annis話可能我已經有的, 就係森林家族兔BB呀. 又會咁o岩既,  Annis同阿妹唔同星座架喎. 呵呵呵呵~~~~ 

 

放左學就入去珀麗灣姨媽既屋企, 因為今日都係佢既生日. 所以買埋生日蛋榚入去, 可惜美心冇款係有好多朱古力做裝飾既蛋榚, 所以我就選左大部份人都like既有芒果蛋榚~芒果栗子味蛋榚. 落左車好快就見到去珀麗灣既碼頭, 唔駛幾分鐘就有船. So gd^^就o向呢幾分鐘時間, 欣賞下d風景, 好like呢種陽光射落黎既光線所以就影低左了

 

到左姨媽屋企, 呆坐o係梳化睇左陣電視然後就吃蛋榚(芒果加果仁又幾好味喎

), 後來阿妹同表姐就相繼黎到了, 表姐剛由日本旅行返黎,  梗係要睇下佢d櫻花相啦~ wow 成街都係花真係超正! 唔知我幾時先可以去到日本欣賞櫻花呢>.< 唯有食住櫻花手信先啦

晚飯去食馬來野, 係珀麗灣隔離既家庭式經營小舖頭. 整體D野都幾好食, 食到好飽呀

跟住我地趕去搭船. 上左車冇幾耐我就發覺好似少左袋野咁既, 即刻就打電話去比佢地