八達通套&新耳環

雖然放左三日假, 但呢幾日邊度都冇去, 而且無端端又有double exp, 所以就三日都o向home到"哺蛋". 只係o向星期一o個日去新港城飲茶, 之後行左陣就又返屋企了. 行到百佳門口檔飾物檔仔, 突然好似想買野咁就買左兩對耳環了.

唔醒起我平時都唔戴耳環而且係吊的.

今日食完Lunch行左入一間舖仔, 突然記起買八達通套, 首先見到著左裙仔既melody, 好like佢呢個表情, 雖然個款好似o岩細路女多d, 但都忍唔住買左. 比錢時見到有個比較平凡少少既, 諗住買埋佢平時粗用.

東涌至梅窩遠足活動

和堇參加了一個遠足活動, 先於九點在東涌地鐵站集合, 再行至大蠔灣及白芒村. 白芒村有一座更樓, 而旁邊有兩塊特別既石頭, 名為試劍石. 



大蠔灣



白芒村更樓



試劍石

經過白芒村後, 再行約一小時, 至銀礦洞及銀礦灣瀑布. 行程比較早完結, 所以我和堇在瀑布逗留了大約一小時,  之後我地就去左梅窩碼頭既熟食檔食腿蛋公仔麵同埋冰底凍檸樂, 今日咁熱, 嘆到凍檸樂實在好爽.

銀礦洞



銀礦洞的封口位, 同馬鞍山礦洞不同, 用水泥密封了. 反而令人更想知入面係究竟係點架呢@o@.





銀礦灣瀑布呀~~~>v<



色彩很漂亮的豆娘







兩條臭腳, 好在未臭到d魚要反肚@v@

因為見人浸得好舒服, 後來我地都忍唔住除左鞋浸返陣了. 溪入面d生物冇浮上黎, 証明我對腳都唔係太...^^""""



走時見到佢, @v@ 跟住就比人聲嘈到衝左落樓下





很別緻的路牌@v@

路邊的花, 好鍾意呢個花球咁既型, 好靚, 而且很香^^

食飽後我地就搭車到東涌, 去睇睇堇平時影蜻蜓既地方, 沿路都有好多蝴蝶&蜻蜓, d蝴蝶又係好難影, 而蜻蜓既收鑊都幾多.

算係最清楚既一幅大品種蝴蝶既相



呢隻細品種蝴蝶除左雙翅靚外, 身上既細毛令我覺得佢好有貴氣^^



佢打算擺好姿態跳水嗎@o@?









呢隻身型既蜻蜓好似從未影過@o@而佢既綠色好鬼靚

青馬觀景台-東涌古炮台-濕地公園一天遊

早上八點半集合, 先到了青馬大橋既觀景台. 因為空氣混濁既關係, 所有風景都變得濛濛的. 與上次來時看到的相差得頗遠, 真係要"為藍天打氣"了.



行程表寫住第二景點係香港小長城, 原來係東涌古炮台. 記起上次到大嶼山呢邊係要搭船的,  估唔到而家變得咁近. 哈哈~~



果然係東涌, 渠旁邊都有一, 兩隻蜻蜒安安定定咁企o向度^.^





黎到先知原來有一年堇帶過我哋黎呢度喎^^.

之後去左富豪機場酒店食lunch buffet, 公司兩年都係o向呢間酒店度annual dinner, 但都冇周圍參觀過, 今次就o向酒店大堂周圍行下, 原來都唔係好大.



食飽飽, 就出發去濕地公園了. 好耐未試過飽到差d嘔, 而且一上到車就訓著左, 一定又更加肥了>.<. 到左目的地, 首先見到係用蠔殼堆埋既幾幅牆, 然後就見到幾個人工"瀑布", 跟住就見到個設計幾特別既建築物, 原來就係濕地公園既入口同展覽館. 入左場, 由左手邊開始, 首先就係去睇疆魚貝貝, 可能真係太多人, 貝貝都怕到走左入房"避". 好在有閉路電視睇到佢, 算係見過佢咁啦. 然後就開始行去室外地方, 如果唔係太多人相信可以慢慢咁欣賞下, 但今日實在太多人了. 







貝貝"呢"埋左, 唯有影下佢門口啦



唯一影到既昆虫>.<呢棵植物係翅莢決明





其中一個觀鳥屋

睇完觀鳥屋後, 就去排隊行浮橋. 初時見咁多人排以為好耐, 原來都好快就到我地. 呢度係唯一一個地方覺得咁多人係好既, 因為可以"玩"橋嘛. 哈哈哈~~~之後就行埋原野漫遊徑, 好在都見到一兩隻虎斑蝴蝶. 不過早排已經o向馬鞍山影左, 所以只係望下就算了. 再行左去另一邊既觀鳥屋, 原來已經係公園既盡頭, 就行返去訪客中心度睇下. 經過返貝貝之家, 見到貝貝終於蒲頭了, 同佢影左幾幅相就返入展覽館睇野了.



剛見到呢兩隻蟹o向度打交

貝貝終於出黎啦, 不過好似都係o向度訓教. (以前o向山貝河自由自在, 而家失去自由不特止重要住得咁細既地方, 比我都廢事郁啦. )

展館內既動物模型好似呀~~~ 佢係咪哈利嗰隻@@?



好有氣劫既鹿角呀!



真係好似隻狼o向度"搵緊食"

時間關係, 只係入左一個展館睇野, 而且重係走馬看花, 就要回程了. 跟團雖然抵, 但次次都係得約兩個鐘時間比你真係好唔夠, 遲d一定要o向平日再黎參觀過. 太多人啦~~~

森林家族公園遊

本來呢個節目係計劃左上個星期的, 但後來就轉左今日啦. 約左Elaine一點鐘o向新港城等, 跟住就去馬鞍山中央公園. 雖然個天望落去灰濛濛, 但陽光都幾強. 我地考慮左一陣就決定o向一塊草地度開始我地既森林家族攝影日了.



本來相影佢地比賽劈西瓜, 但影唔到個效果出黎 



好有田園生活feel呀~~



羊媽媽好忙.



好可愛呀>v<



呢幅好似係座住花花飛機向天出發.



小朋友開生日Party喎!



可能陽光真係太強, 我地影左幾個鐘都太累, 其實重有好多野未擺出黎影. 唯有等下次準備再充足多d時再影吧^^.

國慶煙花

十月一日國慶

因為太夜先出到尖沙咀, 所以行唔到去海傍, 唯有在新世界中心對面既馬路欣賞, 只可以睇到煙花既一角, 但現場氣氛都相當好.

因為掛住睇, 所以只係影左d短片:

http://www.youtube.com/watch?v=P20682UuEw4

http://www.youtube.com/watch?v=NMsVGKFdhuY

http://www.youtube.com/watch?v=-ukIzA6x9M0

http://www.youtube.com/watch?v=1BQi_BWkXQU