2007劉德華演唱會

原本諗住冇得去睇的華仔演唱會, 居然會o向聖誕節當日可以去到. 而且後來重有頂演唱會出既紀念cap, 真係好好既聖誕禮物呀^o^.



一開場就好似宇宙大戰咁, 原來係玩電呀.





原來入面件咁sexy的. 好大隻呀~~哈哈~~~



之後就係一身白色軍服look出場, 但原來冇影到, 只係影左呢幅除左軍服的.



軍人故事大約係圍繞住呢三位美女, 舞姿好精采.

之後華仔就以一個魔術師出場, 重表演左幾個魔術. 

點知行返出去時, 有人係咁扯住佢唔比佢走. 哈哈~~~











牛郎織女既故事, 當中華仔吊高左比人"fing"黎"fing"去(唔知係好玩定辛苦呢).





握手時間~~~



之後就係Andox同埋黑仔出場, 但中途黑仔隻腳"攝"住在o向台, 後來因為要"炆"返黎, 所以隻腳變得"跛下跛下", 華仔以防有乜意外, 所以就"鬧"返兩個仔入後台了, 唔知原本佢地會表演d乜呢.

到尾聲了, 幾鍾意佢呢個look. hehehe~~~ 落埋雪就完場了.

跟住例牌係encore時間, 因為今晚係聖誕, 所以華仔都唱左好多首歌先走.

遊鳳園

今日突然決定去一遊鳳園, 大約下午一點鐘到達. 問左人先知原來要先到鳳園辦公室買當日票, 而辦公室入面亦有職員講解一下蝴蝶既知識. 而且原來每個月最後一個星期日鳳園都有活動安排的其中一樣就係有職員帶領遊覽鳳園. 因為今日唔係最尾既星期日我地聽左一陣就自己開始行了.

 

好得意既黑色果

行左一小段路後, 入口講明話只限會員進入, 原來上次我同堇去o個度唔算係正適鳳園既地方. 可能因為冬天關係, 我地都係見到d最常見既虎斑蝶, 粉蝶等. 但數量都幾多的, 下次一定要趁春天再黎多幾次先得.

呢種蜂d嗡嗡聲好似特別響





好似好少影白色粉蝶





唔知點解我好似永遠只係影到白色斑蝶咁, 藍色o個種好似成日都影唔到.



以前讀科學講呢一種種子覺得好得意





經過鳳蝶寄主園, 一隻鳳蝶都見唔到, 反而見到遺留左o向度好耐既蛹"乾", 就同佢黎個大特寫啦.





兩隻蝴蝶"倒樹葱"





唔知乜蝶既幼虫呢, 不過都唔郁的(有Blog友話有機會係燕鳳蝶幼虫, 但因為睇唔到寄主植物, 所以未能確認^.^).

回復正常?

自從N年前去加拿大放過一次大約半個月既假期後, 今個月又可以重溫一次享受一個咁長既假期, 計返原來呢個十一月我只係返八日工咋. 嘩~~~

今日開始, 表面上好似回復返正常既生活, 其實已經要開始預備五, 六個月後既野, 一時間又覺得時間好少一時間又覺得重要等咁多個月呀? 個人開始傻傻地了, 不過要做既野真係要快d搗左先, 唔可以再好似之前咁得個講字.

好窮呀~~~ 清晒倉, 乜都要慳慳慳了.

自己煮

被人屈要煮野食...終於只係需要煲個湯o者^.^. 因為佢黎左香港後就成日喉嚨痛, 所以就要煲d滋潤湯水, 有人重要話要加埋川貝(真識食=o=). 所以咁大個女就第一次自己親自去買材料同埋煲湯了. 咁簡單既湯, 味道唔會差得去邊啦.

南北杏川貝雪梨湯



以下就係佢既傑作啦, 因為資源有限, 所以都係求其之作咋.

芝士香草螺絲粉

 

重有好好味蒜蓉包



睇住佢切野時既手勢第一次覺得佢幾型呀>///< (佢一向傻戇戇咁樣嘛^.^) .

念

 

又一年了~~~

 

你永遠活在我心中~~~

蛋榚

又補返篇blog先:

因為睇雜誌介紹過mega box有一間好多款蛋榚既店, 好想去試下. 所以呢日就同Yong一齊去Mega box度試食了. 我叫左一個double chocolate cake而佢既就係lemon cheese cake, 唔知係咪太heavy. 食完冇幾耐我居然....胃痛. 真厲害呀.

2008生日禮物^o^

剛剛整緊相打blog既時候, 老豆在廳同我講話買左下年既生日禮物比我. 我話: 咁搗笑? 咁快就有禮物收? 我話要等到下年先開得? 好難忍喎. 佢就叫我去儲物柜囉個紙盒出黎了, 紙盒好墜手, 我打開之後就見到一隻白雪雪令立立既兔仔, 初時重以為係一支大蠟燭黎, 到掀開層bubble 紙先知原來係一隻白色石兔黎.

隻兔好靚, 好似月亮入面隻玉兔咁呀. 多謝廿四孝爸爸^3^^o^~~~





幫佢襯左條瑪瑙鍊落去, 爸媽話佢變得冇咁素幾好喎^v^.

上海遊第一日-外灘夜景

去完新天地後, 我地就行返去朝早到過既外灘欣賞夜景, 點知影左幾幅相. 就熄晒燈了, 好彩都影左幾張相.







夜晚有燈光襯托下, 更加靚.



明珠塔好像白天更搶眼.



兩邊既燈熄晒後, 只係淨返呢幢大廈重播住不同既花相.

上海遊第一日-靜安寺及新天地

行完南京步行街後, 我地就去左靜安寺參觀, 寺內正進行修繕工程. 所以好快咁就參觀完了.









晚飯過後, 我地就去左新天地, 呢度以上海獨特的石庫門建築舊區改建以成. 開左好多酒吧.







以其中一間屋係展覽左以前上海人既屋企擺設-屋里厢. 我地就入左去參觀了, 足滿中西味道的屋子.





以前既小販裝備.