2007花展

同姑媽, 爸&媽一齊去花展, 完.

嘩哈哈哈哈~~~ 咁都得? (2013/10/26)

NDSL及草莓rement

過年前決定要買NDSL終於拖到今日先買到手了.>v< 因為越黎越多人買既關係, 個價已經比過年前高左了, 不過廢事又再等, 所以就.... 呵呵呵. 其他地方都冇晒行貨淺藍色了, 得返信和及好景共三間舖有. 但信和兩間舖(極有可能同一公司)都要規定行貨機一定要成set買, 而因為我之前已經買左R4卡及1G卡所以就唯有去好景買了. 雖然貴少少, 但買到自己鍾意既顏色, 都唔緊要啦>v< (<~~=_=""好任性)

除左NDSL, 今日抽左兩盒草莓rement. 但都唔係心頭好, 後來有機會經過可以"簡"款買既舖頭就買左八號了. 唔駛再抽. 呵呵~~~ 

兔妹妹睇黎好鍾意部電視tim. 日日夜夜都要對住, 睇黎要鎖住佢先掂啦.

 

好在兔妹妹重識得o向電視度學整西餅, 希望佢學有所成啦. 嘩哈哈哈~~~ (*鳴謝兔妹妹示範rement草莓系列^^"")

昂平360及大澳

其實今日既天氣唔適合上山旅遊, 但因為大伯就黎要返美國, 所以唯有今日照原定行程到大嶼山一遊, 先到昂平360排隊, 條龍真係長到呢.... 我地大約排左差唔多一個鐘吧, 就上到纜車了, 起初都重可以睇到少少景色, 但越高就開始越大霧, 我地只能夠望到出面全部係白色, 好似去緊仙界. 哈哈~~~ 因為白得太"殘"眼啦, 所以落車時個人"ring ring"地咁, 原來山頂既纜車站出面, 建有好多中國式既建築(其實係精品店同食店多), 而且大霧到只可以睇到十零步既景物, 如果唔係當時有咁多人真係幾似去左仙界咁.

遊覽左一陣精品店後, 我地就行過去大佛o個邊, 中途去左旁邊既小食店食左山水豆花, 魚蛋及滷水蛋, 重每人買左一頂帽. 因為實在太大霧, 完全見唔到大佛, 所以我地就行去睇石林, 咁既天氣睇石林反而幾好, 好似去到深山搵世外高人咁. 哈哈~~

跟住我地就搭大嶼山巴士去靈隱寺, 其實我地都好遲先到達, 好在重有齋食. 首先就每人一碗湯, 雖然冇落任何肉類, 但碗湯居然非常清甜, 我地個個都話好味>v<. 而齋菜就係一般既款式, 但一d都唔肥膩, 每樣菜式都有返咁上下水準, 有機會都會黎多一次食先.

食飽飽後, 我地就去大澳參觀了. 剛起好一個新碼頭, 環境幾靚, 上空就有好多好多燕子飛來飛去(影到佢地就好啦>.<). 然後我地就....

原來呢篇寫到一半停左, 等我响6年後既今日再睇下記唔記得當時再做啲乜先XD.....

於2013年10月26日在溫哥華續:

然後我哋就行去睇棚屋&行橫水橋啦, 之後就再座小船去睇下見唔見到中華白海豚, 但可惜無緣見一面(暫時重係我唯一 一次去睇呢>.<!), 希望將會有機會親眼見到佢哋啦!

返上岸之後我哋就開始掃街啦, 食左好多烤既食物, 當然唔小得我至愛既尤魚啦. 哈哈哈~~ 除左記得食左好多野之外, 之後既行程就忘記了, 不過應該係回程返屋企架啦. 嘻嘻(淨係記得食=.="""")~~~

有機會希望可以補返啲相上黎啦^^.