一收到sammi 復出會開演會, 就同堇約定買飛去睇, 幸運地可以買到第一場既飛, 點知居然同另一樣事情撞埋同一日, 猶豫左好耐應該點算好, 最後決定都係去睇sammi緊要d.
入場後我地就等左幾耐下, 打左幾round孖寶麻雀, 跟住就開場了. 一開始sammi著住件黑色高領既衫, 後面就有好似樹枝咁既裝飾, 睇落好似女樹妖咁. 但我覺得如果無左d假樹枝裝飾, 個look就好似o個套<女王的教室>既女miss呀. 哈哈哈~~~
因為我冇記性, sammi唱過乜歌就唔太記得了, 都係慢歌唱完到快歌, 快歌唱完就到返慢歌啦. 哈哈哈~~~ 不過大家都覺得佢把聲好似係冇以前咁高, 而可能第一場既關係, d音樂就大聲左d, 不過中段開始就ok返了.
盔甲戰士look (個人感覺咋~~)
呢個look一出場我差d"嘩~~"咗出黎, 白滑靚背呀~~~
好高貴, 好有女人味. hehhee~~~
唱"愛是..."
呢場d dancer 既服裝好得意, 好吸引. 好似一個童話世界入面既嘉年華咁. 跟住到sammi出場時見到佢後面個裝飾好特別, 後面睇好似把遮咁, 睇睇下覺得應該係翼黎, 後來睇返d報導好似真係話個效果係一對比較特別既翼黎的. 好特別的設計呀~~
後來中間台升起, sammi就上左去唱, 感覺好似近左dd. 哈哈~~~
呢件衫好似好舒服, sammi著得好好睇. sammi之後重有個黑色deep v 露背look的, 配合埋佢既快歌, 就成為左呢場concert既高潮, 開始有人企o向度歡呼打氣大叫. 因為動作太快, 而且太專注, 唔記得左影.
到尾段, 原來請左阿jan黎做嘉賓. 佢講野實在好搗笑, 好抵死. 唔重覆了, 反正報紙雜誌都報導左佢大約講左d乜了. 哈哈哈~~~
握手時間~~~ 之後就係賣廣告時間, sammi話淨係請肥過佢既觀眾上台同佢一齊唱歌, 當然係有禮物送啦, 聽聞好似係鑽石黎的. 第一位好似係有身孕既太太. 而第二位係大肥仔, 佢一上台就要sammi同佢合照先, sammi同佢講野佢就話聽唔到sammi講乜, 好似雞同鴨講咁, sammi都冇佢咁好氣了, 唔記得佢有冇唱歌了, 只係記得佢返落台時又要求sammi同佢再合照影多次, 全場即時勁嚧佢. 哈哈~~ 最後一位係一個幾歲既小朋友, 我覺得佢係比人逼上台. ahahhaha~~~
跟住呢場concert就結束了, 而紅館亦已亮燈及播廣播了. 但全場差唔多九成觀眾仍然留o向位度叫encore, 大約十分鐘後, sammi就上返台, 因為冇準備, 佢唔太記得歌詞, 就話大家一齊唱"我們的主題曲". 大家都企o向度一齊唱一齊叫, 然後就盡興而歸了.
鳴謝堇堇提供照片^^.
