兔兔Notebook

放工去左沙田, 順便行下西田睇下有冇意外驚喜. 點知真係有呀! 第一眼見到既係一本硬皮簿, 但價錢太貴了, 而且只係封面有兔兔的, 所以作罷. 跟住再見到兩款大簿同一款細簿, 就買左一本大一本細了. 會唔會唔捨得用呢, 我諗多數都係啦!

Rement 新野!

無意中找到的, 禮品o個set好似好靚>v<, 忍唔住要post下. 唔知幾時出呢, 可能又會破財了.

愛されチョコ

 

嬰兒o個set就唔知o岩唔o岩森林家族呢@@.

 

赤ちゃんとあそぼ

月亮

睇完電視入房訓, 點知居然見到有半個月亮在窗外, 好耐都未o向房窗外見過佢出現了. 雖然知道一定唔會影到佢清清楚楚, 但都紀錄一下啦.

東涌至沙螺灣

早上先在堇屋企附近停留, 佢屋前既一條路仔真係好多蜻蜒, 蝴蝶及其他昆虫停留架. 我地影到忘晒形咁滯, 由得比太陽晒住, 真係唔記得影左幾耐. 哈哈~~ 跟住就去佢屋後摘黃皮食, 酸中帶甜而且重有黃皮味, 唔似而家買o個d咁得個"甜"字唔知食緊乜咁, 真係確唔同.





呢隻蜻蜓企o向度眼眨眨, 好似望住我叫我影得佢靚d咁.







雙眼既顏色好搶眼既蜻蜓.







堇最鍾意既蜻蜓, 佢一見到差d失控. 哈哈~~~



翼上面紫藍色o向陽光下顯露出黎, 而且飛翔既姿態亦好可愛.



呢隻蛾好大隻架.





屋後既蝴蝶.





正午時份, 原來係傳宗接代既好時光.



吸水中的蝶



逗留至下午一點十分我地就出發去沙螺灣, 唔知係咪因為今日實在係太炎熱既關係, 其實條路唔太崎嶇, 行左幾次上斜, 我地就行到"死死"下, 抖左好多次. 呢條路有好幾個點都係影飛機起飛既好景點, 但因為我地晒到唔多願"郁", 所以一幅都冇影到. 沿路路旁一路都好多好多好多蜘蛛同佢地既屋企(蜘蛛網), 個個網都好鬼完整的, 多到我地為呢條路起左個名, 就係蜘蛛路啦. hehehhe~~



好可愛的植物.



廣闊的藍天

終於到左沙螺灣了, 我地梗係第一時間睇下有冇士多啦. 立即每人"對"返罐平日都唔會飲既可樂, 即刻"C"服晒呀. 唔敢再行返回頭路, 就問事頭婆有冇船走, 佢話去屯門就五十蚊, 去東涌就六十蚊. 因為咁辛苦黎到, 又唔想即刻走, 就順便問埋沙螺村有乜好睇, 佢就叫我地去睇下村入面既大樟樹啦.

原來穿過呢度門就有指示牌去大樟樹度

我地搵左好耐, 諗住差唔多放棄時終於見到個指示牌了. 經過村屋旁既小路(好在呢條村好少人養狗), 路旁既植物差唔多掩蔽條路咁滯, 同埋上左好多級既樓梯之後, 眼前終於出現一棵好高好粗身既樟樹啦.

原來再行前d重有一棵更加粗大的樟樹. 旁邊就有個牌介紹呢兩棵樟樹, 原來係比村民喻為神樹的風水樹. 連日本仔都唔敢砍佢地, 確係唔惹小. , 睇到呢兩棵神仙樹係今日既意外收獲呀! 行返去士多就請事頭婆幫我地叫艇返東涌了, 艇上我地見到有一排魚仔o向水面彈起, 又見到白鷺搵食, 都幾多野睇架.



嘩野生"靈芝"呀







呢棵係最大既樟樹, 梗要整個人黎比較下佢幾大啦.





呢棵係較"小"既樟樹, 當然其實一d都唔小啦.





都未較好部機佢就走得鬼咁快了.



士多旁的狗狗, 佢見到我地重走出黎歡迎我地, 反而有人由村走出黎時就狂吠. 哈哈~~



士多前有好多隻貓, 成六七隻咁多.

石門至馬鞍山

由上個星期開始, o向公司行返屋企, 比d機會自己郁動下, 出下汗. 今日係第三日, 拎左相機睇下有d乜可以影:



呢隻雀既翼上面原來係有d藍色的, 佢好似睇緊白衫o個位跑步咁. 哈哈~~~ 



天橋公路底



白鷺. 唔好意思! 我部機頂晒籠係影到咁"近".







記起上星期路旁有d碗豆花開得幾靚, 諗住睇下有冇可以影, 點知就見到呢三個住客了. 不過唔知係變乜既毛虫呢.

栢麗灣及sugar bunnies扭蛋

今日(1/7)入左栢麗灣, 因為差唔多三點幾先到, 所以只得大約一個鐘游水. 游完水經過七仔, 見到有sugar bunnies 既新扭蛋, 見幾得意而且又"手痕", 所以就抽左啦. 中左紫色o個隻, 發覺原來佢整得幾細緻, 而且重係有香珠既tim. 越睇越鍾意, 所以會直接買返成set收藏, 希望快d買得到啦.