雪櫃爆左棚

記錄返d鎖碎事先...

有位朋友比左好多雪榚雪條我地, 多到雪櫃放都放唔晒, 因為場面太壯觀及稀有了, 所以記錄一番啦~~

桃花

今年同爸一齊去買桃花, 當日年宵攤檔第一日重有好多檔重起緊檔, 而且重係落緊大雨. 我地買得都幾狼狽下. 今年因為多日天氣都咁凍, 初時以為今年買棵桃花會開得麻麻, 但經過我地一星期"催谷"後, 桃花呢幾日越開越燦爛, 特別係今日. 原來今年買左棵雙色桃花, d枝一枝深色一枝淺色, 好平均咁分佈, 都算係幾特別, 所以記下落blog度先.

彭福公園

細個時大人們經常都會帶我地一班小朋友黎彭福公園玩, 再加上小學時學校旅行都係呢度, 可以話係彭福公園常客. 哈哈~~~ 反而搬左入馬鞍山之後就少了, 但印象中都有黎過一兩次, 而對上一次好次都相隔左好幾年了.

 

今日再遊公園, 仍然都係好多草地及池塘, 但比印象中細左, 唔知係咪因為冇左以前既天鵝同鳥類睇呢. 反而公園而家變左狗仔天堂, 好多有狗人士都帶狗仔黎呢個公園玩.

 

 

一入公園就見到呢棵靚樹

 

 

好多樹幹既樹

 

 

 

呢度應該係為奧運馬術而設吧@@, 旁邊有個展館. 但因為太多人所以我地冇睇到.

之後就上左火炭上面獅子會起既亭度, 可惜今日天色都係差, 只睇到灰濛濛既沙田.

 

 

沙田火車站o個邊

 

第一城o個邊