Sugar Bunnies Boxes

收到屋企人寄黎既郵包, 入面除左有藥, 森林家族2008既Catalogue及年曆卡外, 重有就係扭蛋: Sugar Bunnies Secret Jewelry Boxes. 雖然會比人話好"細路", 但覺得好靚, 做得好細緻, 盒仔重有得上鎖㖭.



呢邊既扭蛋好多都係好舊款而且好少, 好在有你我先唔會錯過左我鍾意既扭蛋. Thank you & Miss you~~

 



長城飯莊

蝦餅既表妹由美國過黎溫哥華三日, 約左今日下午第一次見面及食飯. 因為蝦餅請唔到假, 所以就約左佢返工既地方見面. 只係睇過表妹既結婚相, 原來真人年輕好多(所以結婚時搵既化粧師好重要架), 聽蝦餅講佢既學歷, 真係可以用知書識禮黎形容佢呢.

我地先點左小籠包同埋薺菜炒年榚, 表妹&佢老公(外國人)食左一舊就話好好味, 好快咁清左籠小籠包. 而每次食薺菜炒年榚呢味菜都食唔到薺菜既味道, 但今次總算食到薺菜配合年榚既香味, 終於知道點解上海人食炒年榚都叫薺菜炒年榚了. 之後再點左籠小籠包, 乾扁四季豆 , 芝麻牛肉, 糟溜魚塊. 乾扁四季豆有小辣但好香口, 糟溜魚塊原來唔係酸既, 清清地唔覺膩, 反而芝麻牛肉係酸甜炸物>O<, 唔口岩我口味(重係我點既㖭~"~). 蝦餅幫我地加多左芹雞鍋貼及蘿白絲餅. 因為太飽, 所以我無食到蘿白絲餅. 但表妹&佢老公都讚不絕口.

 

之後蝦餅落場, 拎埋佢老闆送既八寶飯. 經佢加工後變成一碟外貎好靚既甜品. 其中又發揮佢既古怪配搭: 八寶飯入面加左雪榚sauce & 拔絲車厘子. 車厘子加拔絲好脆, 但變得好甜, 真係服左佢...

表妹問邊碟係蝦餅煮既, 原來碟炒年榚係佢既作品. 終於食到佢既真正手勢啦!

 

希望我快d可以暢所欲言咁用英文黎同人傾偈啦>.<

剪頭髮

之前結婚所留既長髮實在好唔方便, 終於今日剪到過膊頭少少. 爽! 好耐未試過咁短頭髮啦! 但因為自己本身頭髮係曲&鬆, 所以髮型師叫我買個直髮夾. 洗過一次頭後, 發覺原來我無直髮夾係唔掂的...要快d買返個先得啦>O<~~~