Coquitlam

今日天陰陰, 出門口時重落雨㖭. 本來好想去公園行下, 後來就決定去Coquitlam Centre度行下街街算了. 本來落既雨, 開始變為落雪, 而且重幾密㖭. 因為蝦子餅唔熟路, 兜左上山. 原來Coquitlam呢邊既山上面重有好多雪, 仍然好有冬天既感覺呢, 我地住既地方大部份已經溶晒雪了, 估唔到呢場雪落到夜晚都未停呢.







就快又到復活節了, 可以見到好多兔兔既裝飾及朱古力, 亦見到好多店入面都有呢個朱古力兔兔山.

Richmond Olympic Oval

星期六開幕為2010年冬季奧運而興建既體育場, 蝦子餅以為今日仍然有冰雕及溜冰場開放, 點知黎到後只得參觀, 有D失望. 不過我就覺得呢個建築物都幾靚呀(因為好多藍色既關係?)~~



正門





另一邊



前面既水池有個圓型圖案, 但點解得一個既?



場館兩邊都有呢個紅網裝飾, 好似要捉住個天空咁.





大堂





入到去見到雪花佈置, 梗係影下先. 原來呢個係聖誕裝飾, 工作人員正準備收起呢.



先跟工作人員入內參觀, 場地內影既溜冰跑道.



之後就自己周圍參觀, 溜冰機械人? 係咪夜晚佢會自己走去後面溜冰場玩㗎?



上左二樓, 可以影到溜冰跑道更清楚.



用木做既頂



附近既風景

Cactus Club Cafe (Broadway & Granville)

原本計劃蝦子餅放工後去食mousses cake, 後來變左去食牛扒. 餐廳雖然暗, 但因為有吊燈同埋油畫做裝飾, 比人華麗既感覺.











North Shore-用士多啤梨, 香蕉同埋另一種生果(唔記得左>o<)加冰打成.

我食既牛扒, 四種燒烤左既菇做sauce, 另外有露筍同埋薯蓉. 好好味! (但被我影到黑炆炆)

 

食完晚飯後, 原本諗住再去一食mousses cake, 但可惜間店剛剛close. 雖有轉去食chesses cake, 呢間chesses cake店夜晚先開店, 而且客似雲來. 今日可能比平日更多人, 覺得芝士餅比上次食時失色, 芝士好似未雪夠咁.



又係黑炆炆既店, 所以影出黎都係咁. 芝士餅加黑朱古力紅莓漿.

附近一間店櫥窗入面既物品, 幾靚!

一見到蝦子餅佢就比左棵西蘭花比我, 其實都無乜感覺(反而覺得佢浪費左呢個食材, 哈哈!).

後來放野入車尾箱時原來佢係另有準備, 一支玫瑰. 都算驚喜啦

搭巴士

黎左加拿大咁耐, 出出入入都有人陪(自己就會迷迷糊糊). 因為今日朝早要出去問D野, 所以就可以第一次試下自己搭巴士返屋企. o向車站附近行左一陣就上車了, 話咁快就返到屋企. 有人又話要兩個鐘既...



車站附近既教堂



原來街角邊地下有幅咁色彩豐富既石磚, 影低先!

元宵節

元宵節既月亮, 好圓. 今晚我地去食PIZZA, 望出窗外同月光對個正著. 真係賞月吃"餅"喎. 不過唔小心其中一個PIZZA點錯左羊奶芝士...食到我口"where where">.<.