Minoru Chapel-一間小巧既教堂, 好可愛.
教堂前面有四個星型花圃, 不過影唔晒.
遠處有紫色花襯住影, 又一好角度(可惜欠缺藍天).
鴨鴨, 鵝鵝(?)出現啦~~ 重有鴨媽媽帶住一群小鴨出黎搵食呢.
其實重有好多雀鳥, 可能數量太多, 眼都花. 只係影左海鷗, 因為好似係得佢一隻, 而且佢白雪雪, 好搶眼.
再行前D, 終於見到兔兔啦~~~
左上: 好B既一隻兔仔, 應該係今年公園既新成員.
右上: 一隻剛剛比人餵既兔仔, 忙住食蘋果.
左下: 呢隻兔眼神兇狠, 我行到好埋佢都唔怕. 佢重恰右下圖個隻兔B㖭, 可能係呢度既霸王.
見到有D靚花, 又影下先.
呢隻花多手篤下中間, 硬硬地既呢.
原來呢個公園唔太大, 可能因為上年黎時覺得天氣太凍(十月香港重著緊短袖呢!), 留响室外實在好似"渡日如年"咁, 而家打個轉就行晒了.
臨走時見到有松鼠出現啦, 除左上面呢隻色, 重有隻黑色既出現.
原來佢塊面有一撻的, 睇唔清楚係皮膚病還是身經百戰留低既傷痕.
曾經聽過人講, 可能呢個公園D兔兔响冬天時會比其他動物食埋, 而家見到佢地好幾隻仍然响公園入面都好開心. 但其實睇得出佢地原本係寵物兔黎, 而佢地既藏身地方就只有矮樹叢. 但動物真係生命力強呢, 因為見到公園入面都有好幾隻兔BB周圍活動.
養動物真係要三思! 唔好一時興起, 過後又不負責任地放棄, 由得佢地天生天養呀!
