手信

黎左加拿大同屋企人相隔咁遠, 雖然細佬都响呢邊, 但因為住得遠, 所以都係平均隔個星期約出黎飲吓茶或食吓飯聚一聚. 除此以外, 重有姑姐&兩個表妹, 佢地好有心, 成日都掛住我, 令我可以經常都感受到溫暖.

表妹同朋友去左Osoyoos玩幾日, 佢重買左D手信返黎. 係Peach Syrup 重有大大既茄子, 蕃茄等.  



Peach Syrup 係咪酸酸甜甜既呢...



身邊無乜野可以用黎比較個茄子有幾大, 唯有搵兔B出馬啦~~



睇佢座得幾舒服^^~~

車

執下電腦入面D相, 有時出街見到D特別既車都有影低, 一於放埋落呢度先.



呢架超小型車係屋企附近既一間Pizza店既車, 慳Gas慳地方呢.





呢架就係有日响Superstore 停車場出面見到既, 隻顏色好靚呀.



而呢架就係某日去Downtown時見到既, 啱啱見到雜誌介紹話原來係餐廳老闆既古董車黎, 而家將佢改為舊式既美國的士, 話配合返佢地餐廳既形象喎, 每日停車費要成40蚊呀.