淚

嘩~~~ 係咪一路陀住B一路都會受荷爾蒙影響而情緒激動, 唔係話陀到咁上下會好D咩? 做乜我而家先發生....

一路坐响度打機, 一路諗野. 突然間淚腺不受控制, 係咁流眼淚... 唔通有...

 

唔好影響到阿B... 唔好影響到阿B...

 

嘩~~~ 出面居然落左小小雹... 可能被溫哥華D變態天氣影響心情?

發夢

前一日聽903既新節目, 入面主持人講起好耐以前有套外國既電視恐怖劇集, 其中有一集講有一家人既阿"女麻"已經死左, 但有一晚佢居然响墳場走返返屋企同佢D屋企人繼續一齊生活...

 

昨晚居然發夢, 夢入面好似係下午, 我同阿姨講話我要瞓一陣, 跟住居然見到兔仔, 佢好似以前咁跳上黎我度, 伏左响我右手邊等我好似以前咁摸佢. 然後我, 阿姨&細佬就响度研究, 兔仔唔係"咩"左啦咩? 點解會咁既? 然後我就抱起佢, 同佢講, 你已經"咩"左啦喎, 點解你重响度既? 然後兔仔突然就變左一隻兔公仔咁既形狀. 然後我就開始喊, 同佢講: 我重好掛住你, 唔會忘記你, 我重記得你耳仔尖好似絲絨咁柔軟既感覺. 跟住再想喊時就醒左啦...

 

唔通係因為我聽左呢個節目既緣故???



兔仔~ ~無論過左幾多歲月, 我心入面一定會有你存在既位置~~ 你而家响彩虹橋一定要生活得開開心心呀!