2011情人節禮物

將近情人節時有個機會出一出去, 經過蝦子餅鍾意既朱古力店, 入去"係咁二"買左兩條白朱古力Bar, 等佢有小驚喜啦.
 都包裝得幾靚吧. 哈哈~~ 之後先發現有條買錯左唔係白朱古力㖭...

第一次去游水

今日帶阿B去左好多地方, 而最難忘既就一定係佢今日第一次去泳池遊水. 不過我哋天黑先去(其實只係五點零六點), 咁啱撞正游泳班, 變左阿B只可以响按摩池度玩.

佢一向都唔係大膽B, 所以都係一開始時驚驚地, 但好快就抗拒唔到玩水既魔力, 好快就變得好Enjoy啦. 笑到好開心, 見佢玩到咁開心, 我都想玩埋一份, 不過都係下次先啦:D 玩左一陣佢爸爸去左焗一焗桑拿&游左一陣水, 再返黎抱阿B落池, 但有個男人同佢講話而家水溫唔太適合BB(太熱), 所以我哋就起身返屋企了. 我諗下次都係帶阿B去游早水好D.



見佢咁開心, 就算辛苦D都值得既:)!                   

靚靚磁石

今日去左QE Park度行下同BB影下相, 順便入下公園內既商店. 見到有呢D靚靚既磁石, 自從上次錯過左蝴蝶頸鍊後悔至今, 而家見到啱心意就即刻買了.

原本揀左另一隻藍綠色既蝴蝶, 可惜花左好在搵到呢一隻都係鍾意既紫藍色, 顏色就沉左少少.



呢隻蜻蜒好靚呀, 不過我鍾意蝴蝶多D, 而家加埋佢之後個盒終於滿啦.



有個八卦公見到呢隻蜻蜒入面有埋蝴蝶, 佢好鍾意, 所以要買埋佢一份.


 

龍年銀幣

龍年加拿大銀幣一個: