2013 薑餅屋

又到每年一度既聖誕, 上年既薑餅屋係我同老公一齊整. 今年既薑餅屋就真係成家人一齊幫手整出黎啦. 經過上年玩過之後, 今年由我黎吱花, 老公負責壓粉糰, 而囝囝就負責將糖黐上屋頂.









唔知下年會唔會有人同我爭住玩呢XD~~~~

 

Nutella



朝早去Costco行, 見到呢支咁大支既榛子醬, 真係好想帶佢返屋企呀. 可惜唔可以比自己再咁放縱啦, 唯有影低佢留念啦, 搵個細路黎比較一下個Size先. 哈哈哈XD~~~

 

帝京酒店-芒果燕窩甜品Buffet

由Lulu度得知Yahoo blog年尾執笠. 因為大家都會轉黎呢邊開, 所以我就跟大隊啦. 順便可以Keep返寫blog既習慣.

上星期六去左帝京酒店食芒果燕窩甜品Buffet, 原來唔係純粹甜品, 重有中, 日式既食物. 各式食物味道都好好, 唯一可惜係甜品款式不多.