今日我哋既主要節目就係去排隊攞Lego啦. 爸爸負責排, 媽媽負責睇住細路, 細路就當然負責...玩.
淨係鋪晒軟墊一遍空白無滑梯無其他野玩既一塊地, 小朋友個個都玩得好開心. 而當我行開左再行返埋去睇佢前後一分鐘都唔夠, 佢居然已經同個小姐姐玩得好開心. 呢個小姐姐好照顧小朋友, 四歲已經有姐姐風範, 好可愛.
見佢哋兩個响空地玩, 先發現原來樹熊B自己已經識得打斛斗, 小姐姐又跟佢打斛斗. 原來係唔駛人教都識喎. 哈哈~~~
之後好在拎玩具都算順利. 好快拎到就返屋企啦. 而喪走左差不多兩個鐘既小朋友亦响上左車之後好快咁瞓著左.
