瑞典帆船哥德堡號&阿貓地攤

 

十一點鐘出發, 好快就去到海港城. 今年佢地用聖誕鹿做佈置主題, 我同堇都覺得今年既報置靚過往年. 本來今日主要節目係上哥德堡號參觀, 但我地去到時見到個牌寫住d飛已經派晒了, 而負責人話重有二千幾人排緊隊, 我地睇怕都無望啦. 所以就影返幾張相安慰下自己, 然後就影海港城既聖誕佈置. 行左一陣, o向stone market既舖頭買左塊水晶, 其實都唔知係咪真係天然野, 不過十九蚊靚靚地都幾正(有人話貴喎).

 

只能遠觀



好靚呀架船

諗左好耐去邊度食野, 堇話不如去阿貓地攤啦. 今日先知原來尖沙咀都有一間, 上到去唔係太多人, 我地座左o向窗旁位, 睇左陣貓就開始叫野食, 叫左個三文魚意粉, 波菜雞肉焗飯, 飲品係朱古力雪貓及小金毛雪貓. 原來重有例湯係洋蔥湯, 都幾好味. 我地d注意力去晒d貓貓度, 一路食就一路玩貓. 突然覺得自己好似細個時食飯咁, 食左一啖就走左去玩, 食成個鐘都未食完. 哈哈~~~



呢隻超懶貓貓, 訓左好耐好耐~~~



終於起身啦~~~

見人地自備引貓"法寶" 我地唯有望住佢地反貓. 好在我個位靠墊有隻懶到離晒譜貓貓, 冇得玩細貓都重可以摸下同埋影下懶貓貓. 玩左一陣, 有隻瘦貓貓o向隔離枱走左過黎, 佢初時o向堇個位度行來行去, 跟住諗住搵佢件衫黎訓, 但睇黎唔太舒服, 佢終於就搵到個最舒服既位~~~就係堇姐姐啦. 哈哈~~佢重要訓到勁甜o個隻, 搗極都唔起身, 咁我地就繼續座啦.



全店至識嘆既貓貓~~



堇姐姐大脾一定好舒服. 哈哈~~~

睇d貓貓幾時行近我地就把握時機影相. 後來有兩位新客人, 佢地有袋可能係尤魚絲既手信. 其中一隻貓貓嘗試成袋搬走佢, 佢又真係幾大力, 無人理佢真係成袋搬得走, 我地話佢係賊仔. 點知佢地拎起袋野時, o個隻貓貓抓住個袋咁就連佢都一齊抬起左, 隻貓貓既動作好似話緊比我地聽: 呢袋野係我既! 我地成班都比佢搗到笑死咁滯, 跟住我地就叫左佢強盜了. 哈哈~~~因為貓貓o向堇度訓得好舒服, 所以我地又座左一陣, 連初時唔肯郁既肥貓同貓bb都影到了, 玩到連貓bb都要休息. 我地就走了, 唔覺唔覺原來都玩左成兩粒鐘, 唔知係注意力太集中落d貓貓度, 累到離晒譜.

超巨型大貓, 臨尾終於比我地影到佢



小貓貓終於都座定定啦, 不過原來係訓覺, 佢都玩到累啦!

夢

今朝發左個夢, 夢入面在一間幾舒服既舖食野, 大家談笑風生. 跟住我突然就好似魂離咁, 望住自己座o向度笑. 突然就自己企左o向舖頭出面, 點知就見到婆婆, 佢著住件黑灰白(好似有d銀色)咁既衫問我: 你今日唔駛返工咩(近呢幾年同婆婆見到面佢多數一開始都咁問我的).  然後我就好似心裏面話: 係咪時光倒流呀, 可以見返你既. 跟住我就一邊伸手攬住婆婆, 呼吸開始急促眼淚開始流, 然後就醒左了. 鬧鐘未響, 原本諗住繼續訓, 但都要起身拎紙巾抹眼淚. 有記憶以黎, 好似真係未試過發夢發到喊醒的. 唔通我真係去左婆婆而家既世界入面同佢見面, 最衰自己激動到醒左啦.

氣

做一個表達能力差既人真係幾辛苦, 自己既不快未能說出, 反而令聆聽者接收錯誤. 氣得自己滿臉通紅像汔球一樣, 唯有等自己氣完過後平復心情吧. 幸好脾氣一血來得快, 去得也快....

紀念

 

兔兔~~你離去已三年了, 但至今我還不時想起你,  前陣子在夢中和你相遇, 希望我們真的能再遇上吧. 永遠愛你!

Rement食玩

Yahoo唔見左我張相囉.\_/.!!!!!(2013)

星期五下午見到千色店終於有得賣呢set re-ment, 但當時趕住返工所以冇buy到. 所以夜晚去睇戲時就專登行過去買, 平時好快就求其抽一盒比錢. 今次反常d, "左簡右簡"後就決定一盒唔太重又唔太響既比錢. 唔知係咪冇抽法, 反而抽到心頭好之一. hohohhoho~~ 睇黎我以後都係要咁"簡"食玩先得.

除左呢幾隻杯, 重有一個籃. 諗左成晚用個籃黎同森林家族影相. 點知原來..... 太大. 又係唔o岩size, 好在之前買左兩隻兔仔公仔, 加埋drement菜同紅蘿蔔, 又幾好睇咁.

半天假期

原本上個星期放既OT補假, 變左今日先放返. 今日完全冇返工既心情, 返到去一路都諗一陣做d乜好呢. 想出去旺角買新食玩, 但又唔想洗錢. 一陣又諗不如去睇場戲, 但近來真係冇乜戲好睇. 咁就返左屋企, 食埋昨天買既本菇扁意粉. 上次買既星形煎pan一路都未用過, 就順便試下煎隻蛋黎玩玩. 果然好耐都未入過廚房, 連屋企支油放左o向邊都唔知, 搵左一輪終於都搵到了. 咁就完成左我今日既lunch, 星形蛋蛋加本菇扁意粉, 雖然隻蛋"龍"左少少, 但都入得口既, 而叮叮意粉既味道比想像中好味.   Hehehe~~~

拎左森林家族&食玩出黎諗住玩下影下相, 屋企光線始終唔夠, 而且原來冇枱o岩佢地, 真係要搵下or整返張先得.



我最like既朱古力mosse cake.

八達通套&新耳環

雖然放左三日假, 但呢幾日邊度都冇去, 而且無端端又有double exp, 所以就三日都o向home到"哺蛋". 只係o向星期一o個日去新港城飲茶, 之後行左陣就又返屋企了. 行到百佳門口檔飾物檔仔, 突然好似想買野咁就買左兩對耳環了.

唔醒起我平時都唔戴耳環而且係吊的.

今日食完Lunch行左入一間舖仔, 突然記起買八達通套, 首先見到著左裙仔既melody, 好like佢呢個表情, 雖然個款好似o岩細路女多d, 但都忍唔住買左. 比錢時見到有個比較平凡少少既, 諗住買埋佢平時粗用.

東涌至梅窩遠足活動

和堇參加了一個遠足活動, 先於九點在東涌地鐵站集合, 再行至大蠔灣及白芒村. 白芒村有一座更樓, 而旁邊有兩塊特別既石頭, 名為試劍石. 



大蠔灣



白芒村更樓



試劍石

經過白芒村後, 再行約一小時, 至銀礦洞及銀礦灣瀑布. 行程比較早完結, 所以我和堇在瀑布逗留了大約一小時,  之後我地就去左梅窩碼頭既熟食檔食腿蛋公仔麵同埋冰底凍檸樂, 今日咁熱, 嘆到凍檸樂實在好爽.

銀礦洞



銀礦洞的封口位, 同馬鞍山礦洞不同, 用水泥密封了. 反而令人更想知入面係究竟係點架呢@o@.





銀礦灣瀑布呀~~~>v<



色彩很漂亮的豆娘







兩條臭腳, 好在未臭到d魚要反肚@v@

因為見人浸得好舒服, 後來我地都忍唔住除左鞋浸返陣了. 溪入面d生物冇浮上黎, 証明我對腳都唔係太...^^""""



走時見到佢, @v@ 跟住就比人聲嘈到衝左落樓下





很別緻的路牌@v@

路邊的花, 好鍾意呢個花球咁既型, 好靚, 而且很香^^

食飽後我地就搭車到東涌, 去睇睇堇平時影蜻蜓既地方, 沿路都有好多蝴蝶&蜻蜓, d蝴蝶又係好難影, 而蜻蜓既收鑊都幾多.

算係最清楚既一幅大品種蝴蝶既相



呢隻細品種蝴蝶除左雙翅靚外, 身上既細毛令我覺得佢好有貴氣^^



佢打算擺好姿態跳水嗎@o@?









呢隻身型既蜻蜓好似從未影過@o@而佢既綠色好鬼靚

青馬觀景台-東涌古炮台-濕地公園一天遊

早上八點半集合, 先到了青馬大橋既觀景台. 因為空氣混濁既關係, 所有風景都變得濛濛的. 與上次來時看到的相差得頗遠, 真係要"為藍天打氣"了.



行程表寫住第二景點係香港小長城, 原來係東涌古炮台. 記起上次到大嶼山呢邊係要搭船的,  估唔到而家變得咁近. 哈哈~~



果然係東涌, 渠旁邊都有一, 兩隻蜻蜒安安定定咁企o向度^.^





黎到先知原來有一年堇帶過我哋黎呢度喎^^.

之後去左富豪機場酒店食lunch buffet, 公司兩年都係o向呢間酒店度annual dinner, 但都冇周圍參觀過, 今次就o向酒店大堂周圍行下, 原來都唔係好大.



食飽飽, 就出發去濕地公園了. 好耐未試過飽到差d嘔, 而且一上到車就訓著左, 一定又更加肥了>.<. 到左目的地, 首先見到係用蠔殼堆埋既幾幅牆, 然後就見到幾個人工"瀑布", 跟住就見到個設計幾特別既建築物, 原來就係濕地公園既入口同展覽館. 入左場, 由左手邊開始, 首先就係去睇疆魚貝貝, 可能真係太多人, 貝貝都怕到走左入房"避". 好在有閉路電視睇到佢, 算係見過佢咁啦. 然後就開始行去室外地方, 如果唔係太多人相信可以慢慢咁欣賞下, 但今日實在太多人了. 







貝貝"呢"埋左, 唯有影下佢門口啦



唯一影到既昆虫>.<呢棵植物係翅莢決明





其中一個觀鳥屋

睇完觀鳥屋後, 就去排隊行浮橋. 初時見咁多人排以為好耐, 原來都好快就到我地. 呢度係唯一一個地方覺得咁多人係好既, 因為可以"玩"橋嘛. 哈哈哈~~~之後就行埋原野漫遊徑, 好在都見到一兩隻虎斑蝴蝶. 不過早排已經o向馬鞍山影左, 所以只係望下就算了. 再行左去另一邊既觀鳥屋, 原來已經係公園既盡頭, 就行返去訪客中心度睇下. 經過返貝貝之家, 見到貝貝終於蒲頭了, 同佢影左幾幅相就返入展覽館睇野了.



剛見到呢兩隻蟹o向度打交

貝貝終於出黎啦, 不過好似都係o向度訓教. (以前o向山貝河自由自在, 而家失去自由不特止重要住得咁細既地方, 比我都廢事郁啦. )

展館內既動物模型好似呀~~~ 佢係咪哈利嗰隻@@?



好有氣劫既鹿角呀!



真係好似隻狼o向度"搵緊食"

時間關係, 只係入左一個展館睇野, 而且重係走馬看花, 就要回程了. 跟團雖然抵, 但次次都係得約兩個鐘時間比你真係好唔夠, 遲d一定要o向平日再黎參觀過. 太多人啦~~~