夢

今朝發左個夢, 夢入面在一間幾舒服既舖食野, 大家談笑風生. 跟住我突然就好似魂離咁, 望住自己座o向度笑. 突然就自己企左o向舖頭出面, 點知就見到婆婆, 佢著住件黑灰白(好似有d銀色)咁既衫問我: 你今日唔駛返工咩(近呢幾年同婆婆見到面佢多數一開始都咁問我的).  然後我就好似心裏面話: 係咪時光倒流呀, 可以見返你既. 跟住我就一邊伸手攬住婆婆, 呼吸開始急促眼淚開始流, 然後就醒左了. 鬧鐘未響, 原本諗住繼續訓, 但都要起身拎紙巾抹眼淚. 有記憶以黎, 好似真係未試過發夢發到喊醒的. 唔通我真係去左婆婆而家既世界入面同佢見面, 最衰自己激動到醒左啦.