早上既花
呢個星期開始經常見到陽光普照的藍天白雲, 令到我好想周圍去. 所以今朝一早就去左晨運. 當o向屋企樓下散步, 發現有一棵樹居然出現左菌類植物, 白雪雪幾靚咁所以就影左佢啦!
下午再遊香港歷史博物館, 由香港在四億年前既地質年代講起, 香港係有d乜石, 跟住就係新石器時代, 青銅時代...到香港回歸. 如果要慢慢睇得清清楚楚, 真係最少要預返最少四個鐘先得.
原來香港都有bear bear架! 一定係在遠古時代啦@@...
色彩繽粉奪目既花燈
原來長洲有飄色巡遊時, 攤檔都會係賣以上既物品. 唔知而家重有冇得賣呢!
呢個係古時既城寨
充滿殖民地色彩既街道
以前既銀行櫃面
因為歷史博物館六點就要清場, 我地就食左個好早既晚飯. 飽飽後就行出海旁, 向住天星碼頭方向行, 預備睇八點既幻彩詠香江. 因為行得太"姿遊", 我地未行到想停既位置就已經開始左了, 嘩~~~原來為左配合旅法局既香港購物節, 向今日, 25號, 七月一及二號加插左海上煙火表演, 而我地企既位置就比較接近放煙花既地方, 所以個人覺得大廈既激光同燈光都好似比煙花遮蓋左了.
總算係影得比較好既一幅夜景相
晚上冇乜風,放完煙花d煙好難先散
行到去鐘樓附近, 突然"bon"一聲, 跟住就有煙花, 水幕投影, 再配合音樂及水柱既表演. 原來呢個都係旅法局o向購物節舉辦既激光水幕匯演. 可惜因為我地late左, 企唔到o向靚位度影低佢. Check返資料, 呢個匯演係每晚既七點半, 八點半及九點半舉行.
沒有留言:
張貼留言