中秋節

 

某年在商場影的兔兔花燈. 祝各位中秋節快樂^O^~~~

海洋公園 II

參觀左咁多個館後, 重有幾個字先到海洋劇場時間. 所以我地就去海洋摩天塔度睇下風景先. 點知搭完再行去海洋劇場時已經得返前排既位, 比個欄杆遮左一半視線咁滯呀. 記得細個時既海洋劇場表演既時間好似係一日都幾多場的, 而且除左有殺人鯨海威既精采表演外, 重有睇到好肉緊既跳水表演. 但而家就簡單多了, 之不過能夠見到我最鍾意海豚表演都係睇得好開心既, 呵呵.





摩天塔下的海洋公園



海洋劇場開始了


哥哥, 你講乜呀?



姿勢美妙~~~



金"雞"獨立



頂波~~~



我高d~~~



跨欄~~~~

人工呼吸, 唔知拮唔拮咀架呢.

 

睇完表演曬完一輪後, 我地就要補充返d體力去左麥記買少少野食, 再排隊去搭登山纜車. 點知原來個個人都係睇完表演就返去正門的, 條龍居然長到差唔多去到海濱廊紀念店o個邊咁滯. 我地就問職員大約要排幾耐, 佢話起碼成五十分鐘先到. 嘩~~~ 好在瑤記得重有免費穿梭巴士可以去返正門. 即刻衝返落山, 好在落到去剛好趕得到上巴士.

 

因為安安同佳佳黎左香港後都未睇過佢地, 所以我地一到左正門就即時一支箭咁走去熊貓園到. 不過梗係去左睇下細個d既盈盈樂樂先啦. 點知....得返一隻既....唔知佢係盈盈定樂樂啦. 但佢都幾活躍, 一時爬上木架一時就走落黎背住我地食竹. 可能佢太得意, 每樣動靜都幾快同埋令我地忍唔住笑, 影出黎d相全部都震架. 哈哈~~~反而安安同佳佳兩隻都係趴地熊貓咁瞓得好"林".

本來有兩個熊貓既Video, 又係無左啦... .\_/.

 

出返熊貓園, 我地就去昇空氣球度. 五顏六色既熱氣球景物真係幾靚, 如果陽光再充足d, 真係以為自己去左外國玩. 又係好趕咁玩完之後, 我地就諗住去小小動物農莊度睇兔仔啦. 點知, 原來而家已經冇左了. 嗚~~~然後爸已經黎到門口接我地, 我地就離開海洋公園去食飯了.

 

 

色彩縯紛既熱氣球呀~~~ 如果天色好d真係似去左第二度旅行~~~~

 

在熱氣球上看熱氣球~~~

總括今日行程, 下次記得如果由大樹灣入場的話, 先睇當日海洋劇場表演係咪成三點半先開始, 如果係就應該先搭登山纜車到正門o個邊遊覽先. 後可以再搭纜車或免費巴士返去大樹灣o個邊, 睇完海洋劇場先再去參觀各個館. 或參觀左d館先再去睇海洋劇場, 佢好似五點半又有一場表演的. heheheh~~唔知幾時會再遊海洋公園呢.
 

海洋公園 I

原本計劃一家人到澳門旅行的, 但爸請不到假. 所以就諗有乜地方去呢, 諗起海洋公園都幾年冇去了, 而且佢又剛宣佈會加價, 就決定玩返一日先了. 先搭車到金鐘再轉乘海洋公園專巴. 在大樹灣入口入場, 真係座車座到暈咁滯呀. 先去左雀鳥園睇雀, 有d雀真係見得人太多, 我地行到好埋佢地都冇乜點理我地.



彩色的羽毛





遊完雀鳥園, 我地就搭登山電梯了. 今日雖然天陰陰, 但都好熱, 而且大家都冇諗住去玩機動遊戲, 所以一到左山上就直接去睇海豹海獅先, 見到佢地個個懶洋洋訓得好舒服好鬼嘆. 再去鯊魚館, 然後就海洋館. 海洋館真係好多野睇, 我地係咁影相. 雖然影得唔太好, 但起碼可以留下念嘛. 跟住就去水母館了, d水母o向燈光下變成五顏六色, 原來佢地游得都幾快下, 好鬼難影.





訓得真係舒服啦~~~



竹鯊-是爬行的鯊魚



海星腳-很多吸盤



八爪魚-外星人^o^?





可愛的小丑魚



草海龍



長吻魚



海天使-真係好似~~~郁得都幾快, 係呢幅清楚d...



珍珠飛燕

   

鸚鵡螺



唔記得叫乜鰻, 佢地好得意架, 成班好似唔知徵察緊d乜咁.

本來有兩個水母Video, 可惜Yahoo話已經No available=.="""

放假遊濕地公園

計劃請一日假濕地公園一天遊, 今日終於定到了. 哈哈~~ 之前成日聽天文台講會有驟雨, 所以都約唔到. 終於唔鬼理天文台講乜, 照去!

昨晚落過一場雨, 重擔心今日都會落tim. 點知都幾好太陽. hohoho~~~ 我地大約十點幾到到達濕地公園. 接待員同我地講可以報名聽職員講濕地既知識. 咁我地就跟左嬌小既職員peggy姐姐行去濕地探索中心, 沿途佢開始介紹濕地既基本知識, 到左探索中心就有幻燈片比我地睇下濕地既生物. 之後就有另一位小姐比實物我地睇下其他溪流既小生物, 可以睇到蜻蜓及色蟌既幼虫呢! 上左呢堂令我地知道多左好多野, thx兩位呀~~~

上完堂, 我地諗住先返去室內展館參觀先. 返館途中見到有蜻蜓, 即時都開始影了. 但因為我部機實在只係zoom得好短距離, 所以我就忍唔住成個身訓左o向條路度影了(兩條傻婆訓o向濕地公園). 哈哈哈~~~ 之後我地影好多幅相時都係咁影法的.





雌性截斑脈蜻



原來呢隻蜘蛛就o向我地訓o向度影截斑脈蜻既旁邊, 好在影完先見到佢咋.







顏色鮮明既褐斑異痣蟌



相信好多人睇過哈利洽特都好想擁有呢隻白雪雪既貓頭鷹了.





好有美感的鹿角





展館內的彈塗魚及招潮蟹, 反正咁近影下啦~~~



有自戀狂的金錢龜? 龜唔知點解不停咁o向住呢面爬, 佢究竟真係想過去隔離呢. 還是係見到自己既倒影, 情不自禁咁要照住呢.

行完展館, 嘆完紅豆冰. 我地就開始今日既目標了. 先行至紅樹林浮橋, 但今日水漲, 所以只係橋頭度先見到蟹仔, 之後就進入原野漫遊徑去影蝴蝶了. 中途見到斑麗翅蜻, 但佢地好少會停落黎. 反而其他品種我地都影到.



黃斑弄蝶.



蛾. 好似經常見到, 但唔知係乜品種及次次都見唔到個頭.



蛾的幼虫.



唔知係咪蚊. @@



唯一一張幻紫斑蛺蝶



狹腹灰蜻. = = 閃得好快, 我只影到一幅佢企o向條膠鍊到.





當我地等緊附近一隻斑麗翅蜻停低時, 發現呢隻藍額疏脈蜻, 佢都係任影的.





入到蝴蝶區, 好多金斑蝶出現. 有位先生應該o向蝴蝶區影左幾耐了, 就同佢講左幾句. 佢好nice咁講我地知有條金斑蝶幼虫影出黎幾靚, 而且重有蛹影到tim^^. 我地影左陣就有位職員經過, 佢講左比我地知金斑蝶及粉蝶既卵及幼虫係點樣的, 真係唔講都唔知原來咁細既一點係卵黎的. 



隻帶盤瓢虫. 忙碌中~~~



















以上是金斑蝶的卵, 幼虫, 差唔多成蛹的虫, 蛹及成虫 .







以上係職員姐姐既指導下先睇到既粉蝶第二階段幼虫及卵, 第一階段及最後一段(差不多成蛹)的幼虫.

影左陣, 我地就行返去濕布o個邊睇下重影唔影到斑麗翅蜻, 好在總算有收獲. 已經差唔多四點幾, 我地見都差唔多關門. 就唔走住了, 再行多轉蝴蝶區睇下重有冇收獲先. 見到頭先位先生重o向蝴蝶區度, 原來佢剛剛影緊蜂. 真係好有耐性呀~~~ 佢話影佢好好玩. 哈哈~~ 而且重教我用乜iso及光圈等. 好好人^^.





全靠呢兩隻斑麗翅蜻企到咁近, 我總算可以影到濕地入面其中既代表昆虫咋.





又係金光閃閃的蜻蜓. 但品種就...later先update.



在風雨蘭中的毛健夜蛾幼虫.



兩隻郁都唔郁的中華稻蝗.

到清場時間, 我地就決定去元朗食b仔涼粉. 佢都幾多款甜品的, 我地叫左紅酒提子芝士cake, 士多啤梨糯米巻, 西瓜涼粉撈及西瓜西米撈. 不過紅酒cake就冇乜酒味了, 糯米巻就幾好食. 六粒入面有六粒既士多啤梨, 幾足料. 之後我地重o向隔離舖篤左串魚蛋, 行左陣就又去食日本野. 哈哈~~~ 真係好鬼大食呀. 

同場加演森林兔妹妹既相~~~ 因為掛住影, 好少拎佢出黎.



濕地大家樂入面~~~



濕地室外~~~



士多啤梨糯米巻.



紅酒提子芝士cake.