困"車立"

今日成日都在家無所事事, 到差唔多六點時就落街買野食. 因為自己o個層既"車立"成日都好慢又多人搭, 昨天等到怕. 所以就專登落下一層搭啦, 咁o岩有一家人一齊搭, 當時心諗咁多人不如上返去啦. 但最後都係冇上, 我就係last o個個入"車立". 點知到左地下部"車立"門居然唔開, 按左陣鐘之後, 看更就話我地大約要等十五分鐘先可以搵到人開"車立"比我地出返去.

大家就焗住等了, 背脊開始焗到滴汗, 心諗早知在家算啦. 因為齋企, 所以以為等左已經十五分鐘. 然後睇錶先知只係等左大約八分鐘到, 跟住就聽到開始有人撬門了, 原來係消防員呀. 成四五個企o向"車立"前面, 原來部"車立"停得落得滯所以開唔到門. 消防員就問我地有冇唔舒服, "車立"入面有幾多個人咁. 部"車立"雖然寫住話可以搭13個人但消防員話下次如果係咁都唔好入了, 因為部"車立"已舊.

本來平平無奇既星期日居然變左一個咁特別既星期日, 因為我咁大個人第一次玩困"車立", 第一次咁近見到消防員(真係好高大呀!) 哈哈哈~~~