大大塊朱古力

其實已經唔記得左邊一日, 只係想作一個記錄. 老公知道我鍾意食黑朱古力, 而且又咁啱減到好抵, 就買左呢塊好大既返黎. 一向肥底既我, 就算想食朱古力都只會買D細細排既解下癮, 真係好難得會有咁大排既朱古力响屋企㗎.

 

一時搵唔到港幣出黎作比較, 唯有搵粒金莎啦. 其實我諗香港都有可能有得賣, 不過咁大排既多數都貴D, 所以下次用朱古力做手信都唔錯.



De Dutch Pannekoek House Restaurants

12" 直徑既PANCAKE-比塊面更大呢. 搽上CREAM, 生果, 加埋糖漿. 好味呀~~ 上一次同老公食過後就回味無窮, 今次同埋表姐表哥一齊去. 因為表哥唔係嗜甜之人, 佢睇我一啖點一次糖漿既食法睇到呆晒. WHAHHAHAHA~~

兔仔衫

今日行街街, 見到呢件賊兔仔衫個樣好得意, 價錢都OK, 所以就即時買左了. 就記錄入兔癡收藏庫先.

影相留念

而家無野做, 無收入. 出到街好多野都要忍住手, 行書店時見到呢對公仔好得意, 但而家呢個時刻就一定唔會買了. 唯有影底做留念吧>.<.


相親相愛呀^.^

唔關我事?

莫名其妙一句唔關我事, 引發出原來佢認為自己外母有少少過份, 因為我無陪嫁品喎. 就因為佢D朋友既老婆結婚都有, 所以就理所當然認為自己老婆都一樣要有嗎? 總係要搵人比較的話, 點解我又唔搵我D朋友黎同佢比呢. 講來講去係因為佢認為自己蝕底吧.

 

再想起被傷害的一句: 你係咪做假既? 原來而家諗返起都會眼濕濕. 所有佢話係玩笑話既說話其實總有三分真吧.

 

咁計較的話還有將來嗎? 三個月試用期過唔過到呢?

成為疑問... 

風雨蘭

風雨蘭~ 我喜愛既花之一, 生命力極強, 我地只係放佢o向露台, 又冇乜施過肥. 但佢仍然可以生到好多花, 前一排已經開左十幾朵, 估唔到佢隔一陣又"標"左咁多花蕾出黎, 雖然比平時細, 但見到咁多顏色鮮艷既花仔真係好開心呢.

買買買

呢兩日都有行街街, 昨日買左個睇中左好耐既蝴蝶圖案吊墜. 鋼製, 唔會咁易變色, 變形. 不過未搵到鍊配, 未有得戴住.

 

今日經過一間賣袋賣鞋既店時, 突然見到有個袋上面有隻白色兔仔, 佢既尾係一舊白色毛毛球, 覺得幾得意, 雖然旁邊冇拉鍊袋, 但難得見到係兔仔袋(有時d款太cute了=o=)而且又係黑色, 所以冇乜點諗就買左了.

 

 

未計其他"立雜野", 呢幾日用錢用得真係太狂. 要收下手了.

黑糯米釀雞翼

雜誌介紹摩頓台興發茶餐廳既黑糯米釀雞翼, 所以就book左呢日去食lunch了. 約左Annis在中央圖書館等, 途中突然見到一幢好特別既建築物, 一睇就知佢係教堂, 但係牆身, 屋頂同埋大門既紅柱都係充滿中國味道咁, 原來呢間咁特別既教堂就叫聖公會聖馬利亞堂.

o向圖書館睇左一陣書, 我地就行去摩頓台, 原來係近得咁緊要的. 經過左一間西餅店, 見餅店細細但好多人o向入面, 我地就入去八下了. 原來呢間餅店都有好多特式野, 而且價錢以銅鑼灣區黎講重係幾平tim. 因為一陣食餐勁既所以我地只係各自買左一個長條形小蛋榚以及兩個蛋撻. 個蛋撻比一般蛋撻大約一倍, 而味道都好似有少少唔同, 下次再問下其實呢隻餅係咪都係叫蛋撻先(應該唔係了).

原本我地除左想食黑糯米雞翼, 重有想試下杏汁豬肺湯. 可惜預約時話豬肺湯起碼要等一個月, 所以就算了. 重有另一樣想食既就係脆麻花, 但原來只係夜晚晚飯先有得食, 唯有下次了. 好在重有一味醋香豬扒, 再叫左個生炒牛肉飯.

黑糯米雞翼, 香脆既雞肉包住好多料既黑糯米, 但始終覺得價錢稍貴. 醋香豬扒就o岩晒我口味, 想連d汁都飲埋. 而生炒牛肉飯都唔錯, 炒得剛剛好而且又唔會多油. 食飽飽後我地就去左sogo行下. 因為大減價既關係, 多人到完全冇心機買野, 所以我地睇完就算了.

大家都口渴, 又唔想求其買支野飲. 所以就去左一間以水牛奶為甜品賣點既御品軒試下, 佢改既甜品名全部都好別緻. 但我覺得除左以水牛奶做材料既雪榚外其實都係無乜技巧咁整出黎, 所以都唔係太抵.

呢款係我食既甜品, 叫: 心甘情願

吊手岩-牛押山-馬鞍山

四月五號: 朝早八點搭馬鞍山村車, 於郊野公園落車. 好快就行到吊手岩一處望風景既地方, 因為好大霧, 所以都睇唔到d乜, 只係影左旁邊既杜鵑同埋霧景就繼續前行.



好大霧呀~~~



嬌豔既紅色杜鵑



其中一個小平地上既石頭, 原來有隻蜥蝪o向度



花形較小既紫色杜鵑



呢張好似自己o向天空上面咁, 遠處好似雲海咁, 而下面就係郊野公園

平日行山通常都會選擇好天氣, 但今日咁大霧o向山上面, 又覺得景色好特別, 我地就o向霧入面一路向前上行. 遇到三位好友善既行山友, 幾次都提醒我地小心山路崎嶇.

呢棵係一棵好大既杜鵑花樹, 而且d花都好特別係白色的.

有藍天呀>v<





成棵杜鵑都有好多蜜忙住採蜜





繼續努力!



向後望會見到: 左-沙田城門河 右-十四鄉(大約)

而最後大家都休息o向馬鞍山山頂, 享受風吹埋黎涼涼既霧, 同埋欣賞周圍飛既蜻蜓同蝴蝶. 唔知係咪山高呢, d蝴蝶都唔怕人既, 成日飛落人度, 令到我有少少覺得去左仙境. 哈哈哈~~~

 

而家先知原來漏左影頂既相, 只係影左d好鍾意企o向人地膊頭既蝶. 其中一位松叔講笑咁話: 清明呀, 可能係你地既祖先黎. 哈哈~~~

因為唔知路程係咁長, 我地冇準備食物. 所以休息左一陣就繼續行程了. 落左一段好斜既路後, 之後就開始好易行既山路了. 仍然都係咁大霧, 涼涼咁好舒服. 好快就到昂平既分叉點, 三位先生o向亭度休息緊. 佢地既終點係西貢, 我地同佢打過招呼後就落返馬鞍山了.

經過呢度後就開始係好好行既石砌路(又無左張相...)

又見一隻. 哈哈~~~



經過礦洞小路, 順便再睇下有乜改變, 原來已經比政府用紅磚及鐵線封左入口了.



鏽凹大葉蟬@@?



最後居然見到呢隻咁有型既四腳蛇, 有橙色紋身架XD!

2008生日

因為今年既舊曆生日同新曆生日相差好近所以幾日就食左兩隻蛋榚了:

 

全朱古力mousses蛋榚我既至愛^o^

 

同兩個姨媽一齊慶祝既美心芒果脆脆蛋榚(佢地都係愚人節生日架).

 

 

遲左一日先收到既花, 收到之後都開心既(時差關係有人話準時喎=_="), 好鍾意佢既藍加紫蝴蝶結^^.

 

2008生日禮物

昨天首先收到姨媽預先比的一封生日利是, 跟住返到屋企就係阿妹放o向我枕頭底既兩set森林家族Country Botique Shop&Toy Shop. 咁快有禮物收好開心!

多謝姨媽&阿妹啦~~~



Post舊相一張, 等呢日網誌冇咁悶先.

飲食男女第660期-尋找隱世小食: 路上偶遇南丫島手制花生棉花糖

上次去南丫島時試過既花生棉花糖, 原來今期既飲食男女都有介紹, 圖文並茂, 要試就易搵好多了:

主題飲食 : 尋找隱世小食【路上偶遇南丫島手制花生棉花糖】

沒 有 叫 賣 、 沒 有 宣 傳 ， 長 年 累 月 ， 這 棉 花 糖 只 靜 靜 地 躲 在 榕 樹 灣 小 路 上 一 家 麵 包 店 的 門 外 ， 低 調 地 戙 一 塊 紙 牌 ， 寫 ： 「 特 製 花 生 椰 絲 棉 花 糖 ， 外 軟 內 脆 ， 獨 一 無 二 。 」

如 果 阿 婆 豆 腐 花 是 南 丫 島 的 大 明 星 ， 那 麼 這 小 小 的 棉 花 糖 ， 頂 多 只 能 算 是 個 茄 呢 啡 ， 連 唸 多 兩 句 對 白 的 機 會 也 沒 有 ， 只 靠 那 簡 單 粗 糙 的 外 表 ， 像 個 平 凡 的 村 姑 ， 吸 引 不 到 幾 個 過 路 的 遊 人 。

「 呢 糖 冇 乜 人 買 ， 十 蚊 四 粒 咁 貴 ， 巖 巖 巉 巉 又 唔 靚 ， 成 日 擺度 都 未 郁 過 ， 都 唔 知 整做 乜 ？ 」 麵 包 店 隔 鄰 的 士 多 老 闆 揶 揄 說 。

兩 個 半 銀 錢 一 片 ， 賣 相 也 確 實 不 佳 ， 真 的 令 人 有 點 猶 豫 。 但 住 南 丫 島 的 朋 友 告 訴 我 ： 別 讓 它 的 外 表 騙 了 你 ， 這 一 顆 白 雪 雪 、 軟 綿 綿 的 東 西 ， 其 實 是 老 闆 娘 手 做 的 ， 花 生 、 椰 絲 、 芝 麻 分 量 調 混 得 很 好 ， 香 得 來 又 不 太 甜 ， 很 好 吃 。

我 也 有 那 種 鋤 強 扶 弱 的 心 態 ， 心 想 ： 人 家 手 做 喎 ？ 掏 十 元 買 一 個 經 驗 也 是 值 得 ！ 於 是 買 了 一 包 來 吃 ， 也 和 老 闆 娘 搭 起 訕 來 。

她 告 訴 我 ， 她 本 來 只 做 麵 包 ， 棉 花 糖 只 是 趁 閒 來 客 少 的 時 候 試 試 做 ， 順 便 打 發 一 下 時 間 。 魚 膠 粉 、 蛋 白 加 水 打 至 挺 身 ， 混 入 花 生 、 椰 絲 、 芝 麻 和 砂 糖 ， 放 入 雪 櫃 凝 固 即 成 ， 就 那 麼 簡 單 ， 好 不 好 吃 全 在 打 的 時 候 要 用 心 ， 和 材 料 分 量 的 控 制 而 已 。

我 吃 了 一 口 棉 花 糖 ， 真 的 和 超 市 買 到 的 不 同 ， 棉 花 糖 沒 有 機 打 那 種 強 勁 的 挺 彈 ， 反 而 軟 軟 綿 綿 、 煙 煙 韌 韌 ， 咬 下 很 豐 厚 很 rich ， 不 是 一 陣 風 那 種 樣 子 。 甜 味 不 濃 ， 花 生 及 椰 絲 下 得 很 重 手 ， 味 道 很 香 ， 很 有 自 家 製 的 粗 糙 感 覺 。

「 試 咋 ！ 睇人 鍾 唔 鍾 意 ， 唔 鍾 意 ， 遲或 者 唔 賣 ！ 做 自 己 食 算！ 」 她 說 。

我 一 邊 吃 一 邊 和 阿 姐 談 ， 路 上 往 來 的 遊 人 很 多 ， 行 色 匆 匆 的 像 是 要 趕 完 成 一 個 甚 麼 任 務 似 的 ， 根 本 無 暇 停 下 來 ， 嘗 一 嘗 這 南 丫 島 特 有 的 淳 樸 手 做 味 道 。


佳 佳 麵 飽 店
地 址 ： 南 丫 島 榕 樹 灣 大 街
電 話 ： 不 詳

花 生 椰 絲 棉 花 糖 $10/4 粒
只 靠 一 個 簡 單 的 紙 牌 招 徠 ， 沒 有 幾 多 人 知 道 。

鳳園及九龍坑山

今日一遊鳯園, 去到門口已經見到有隻玉帶鳳蝶o向地下任人影, 我地咁o岩趕得切影左幾幅, 佢就飛走左了.

 

一去到企左陣就見到我最想親眼一見既燕鳳蝶, 佢真係好嬌小, 而且雙翼拍得好快, 我只有幸影得清楚佢既翅尾咋>o<. 

差少少時間就影唔到佢既前翅>.<

當我地離遠見到有班師兄圍住樹底時, 有位先生就同我地講有隻紅斑翠蛺蝶o向樹底任人影, 我地其實唔好意思行埋去. 點知o個位先生就幫我地同佢地講話比個位我地影下, 教埋我地要開flash先影得佢靚. 重叫我地影埋佢正面既吸管tim. 以往都覺得開左flash影既相好似唔係幾好, 原來係暗既地方用左反而令隻昆虫既顏色更加鮮明. 真好, 即刻學到野!

 

之後我地就o向鳳園周圍影, 除左蝴蝶外, 重見到其他昆虫, 植物等.

 

 

即刻開flash影既龍眼雞>v<.

 

靚蜥@@



紅桑子呀@o@





再影到玉帶鳳>v<

小麥@o@

影左一陣又返去第一期保育區, o個位先生重提我影絹斑蝶, 吸緊樹汁既蜂同破左既蛹tim. 真係好好人, 第一次遇到一位咁鍾意同人分享攝影樂趣既師兄. 多謝你呀, 曾生!

>v<透光既蛹, 其實係曾生佢黐o向棵樹比我地影到呢個效果.



之後老豆再車我地去九龍坑山山頂睇風景, 呢條路真係又長又僻又斜. 但原來上到去既風景好靚, 重係好近沙螺洞同埋鳳園tim.





沙螺洞停車處.



馬鞍山呀@v@.