2009年4月1日 星期三

重黎=口="""

昨日既天氣極之好, 陽光極之燦爛, 個人都精神百倍. 所以諗住今日自己既牛一可以有一個陽光燦爛既日子. 點知, 一起身望出窗...落雪? 跟住就係全日不停既落雨. 唔通連個天都唔鍾意我>.<.
落雨既關係, 個人心情已經低落. 而且有左幾個月既皮膚問題重嚴重到連出街都痕到不能自控, 終於頂唔順去左睇西醫. 醫生話如果我有醫療卡就會轉我去睇皮膚專科, 咁嚴重>.<... 都未試過病到要去睇專科的. 後來佢就幫我加重藥力, 希望快D好返啦. 生日流流睇醫生, 真正大吉利是啦~~~

晚飯去左食台灣野, 叫生活小品. 環境極好, 而且重可以上網. 不過姐姐們招呼麻麻, 好似啞左咁. D野就OK好食, 所以下次都會再黎. 拎埋部NOTEBOOK黎, 座下HEA下啦.
之後去左Death by Chocolate食cake. 叫左一個名叫High Five Cake切餅, 一杯coffee&一個唔記得乜名既杏仁味雪榚. 蝦子餅食左一啖就話個餅好"漏", 頂唔順啦. 但我覺得一啖餅一啖coffee就啱啱好了.



返到屋企沖完涼舒舒服服玩緊Pet Society時, 表姐原來有驚喜比我. 就係一個Tiramisu小蛋榚, 外型好可愛. 而且味道一D都唔"漏"呢.



 

沒有留言:

張貼留言