白色櫻花

今年溫哥華既冬天真係好溫暖, 只係落過一場極輕微既雪就完左一個冬季了. 所以今年既春天好快就黎到, D花好早就開始開了. 而家出街已經見到好多櫻花樹開滿花, 今日終於有時間影下櫻花, 而今年影既第一棵櫻花樹係白色的.

上海人家

夜晚去左上海人家食晚飯:



唔記得左呢個餸叫乜名, 其中有個係鍋字. 味道似醉雞不過今次係爪, 雞翼同埋雞胗



點少得小籠包呢, 好好味. 尤其係D肉汁.



蜆加薺菜炒年榚, 好似唔駛加蜆都咁好味.



最正呢個香酥樟茶鴨, 勁香勁脆!

咁又過左愉快的一天啦~~ 明天又開始返沒有工返的日子啦, 但都有好多野要做架. 返英文班啦, 考車牌筆試啦...

年初二

祝各位新年快樂, 身體健康, 事事如意, 橫財就手.

終於覺得今日似新年啦, 哈哈哈~~ 老公忙左咁多日, 好在呢日既假期如常. 因為佢部車係雙門車, 而且已經開始到賣既時候. 反正第時有BB後都一定要換車, 所以就決定換左先了. 去左RICHMOND既TOYATA睇車, 出返黎既時候. 居然見到有...隻兔仔企响我地架車隔離, 佢見到我地唔係走. 而係哄住我地有無野比佢食, 好在今日有預備相機, 而且重咁啱有野比佢食. 不過真係擔心佢响呢D充滿車出出入入既地方, 希望佢唔係當呢度係屋企啦.



見佢响D車底竄黎竄去, 真係戥佢"崖煙"



睇佢個樣應該都係一隻B黎!



好似一個波咁, 好得意呀~~~



BIBI啦~~ 兔兔~~ 新年見到你真係開心啦!



水仙花開啦~~



RICHMOND 圖書館入面既一條"魚".

返工

今日除左係年初一新年外, 重係西方情人節. 所以今日公司有個特別OT, 返朝早五點. 上完頭炷香返屋企, 打埋長途電話返香港後, 我訓左大約一個多鐘覺就起身返工啦. 年初一重要開工, 真係... 再加上今日係我既LAST DAY(SEASONAL JOB), 真係...大吉利是. 唯有話自己家陣身在他鄉, 百無禁忌啦. 哈哈~~

今日返公司做既事就係將士多啤梨點上朱古力, 都好易做, 話咁快到左大約朝早九點就收工啦, 而阿頭就叫我地每人帶返少少朱古力返屋企. 返到屋企沖好涼, 上陣網就補返D覺, 訓下訓下, 等三點幾老公落場返黎就起左身, 到佢返工又訓返, 以為到夜晚我會訓唔著啦, 點知又可以照訓到第二朝. 總結年初一我做既事就係...訓覺. 都幾爽, 好耐無試過啦!



今年公司有兩款士多啤梨, 佢地話D士多啤梨比上兩年靚好多. 以上呢一款係細既, 沾上朱古力後再加上碎杏仁, 同埋碎杏仁榶(即是樂家杏仁糖入面粒心個種味), 都幾好味呀, 一D都唔酸(有人同我講話好酸). 重有另一款士多啤梨係勁大粒, 而頂上既葉好綠同埋重有莖既, 只係沾上朱古力, 睇落好新鮮好吸引, 如果可以影埋相就好啦.

頭炷香

响香港都未做過(有記憶中)既傳統新年節目之一, 就係裝頭炷香啦. 一踏入年初一後就跟老公去左觀音廟, 入廟既車龍都重幾長下, 所以我地都係响附近泊好車就行過去. 入到去都好多人, 但當然未有香港好犀利既人潮. 上好香敲過鐘後, 我地就去左睇風車. 細個時入廟見到人地手拎住色彩繽紛既風車, 都好想擁有一個. 但媽咪覺得賣得太貴啦, 所以一路都無買過. 今年終於有一個自己既風車啦!



轉轉轉~~~ 希望今年事事順利啦~~~

以前D風車好似淨係得孔雀, 而家有埋呢D雀仔. 又令我諗起細個時大人買比我地既復活節朱古力籃仔入面既雀仔/雞仔.

有好多傳統野响香港都無做到, 反而黎到加拿大會做. 哈哈~~

情人節蛋榚

今年既新年同埋情人節同一日, 而當日老公又要開工, 所以佢話買定蛋榚返黎慶祝左先喎. 而佢話買情人節蛋榚只可以試到一隻味, 所以佢話買多幾款唔同既餅重好過喎. 重可以食/慶祝多幾日喎, 咁都得? 哈哈~~不過可以試到咁多隻又幾好喎.



左上: 影到幅相黑炆炆既就係黑森林蛋榚. 右上: 芝士蛋榚. 左下: 檸檬MOUSSE蛋榚. 右下: 上次老公生日時食既焦糖蘋果MOUSSE



左上: 香橙朱古力MOUSSE 右上: 藍莓檸檬MOUSSE 左下: TIRAMISU