第一次檢查

家庭醫生個邊幫我地BOOK左今日去睇專科, 約左十一點, 等到十一點半都未叫我名入去, 蝦子餅要返學所以就唯有走先.

到左差唔多十一點四十五分先叫到我名入去候診室, 點知蝦子餅打黎話今日都係唔返學, 而家趕返黎, 睇得出佢都幾緊張, 哈哈. 等到差唔多到十二點先見到醫生. 重唔係醫生本人, 應該係一位實習醫生, 問左我既個人資料, 呢個時候蝦子餅都趕到, 之後就實習醫生幫我聽BB心跳, 佢話有155下. 好在佢都好好人&斯斯文文, 令我唔會太緊張. 後來終於見到醫生啦, 覺得佢好似好趕時間咁, 企响門口問我地有無問題問佢, 點解呢邊D婦科醫生個個都係咁既? 好在重記得要問D乜, 但比我既感覺就唔係幾好啦, 家庭醫生又話佢幾好既.... 希望下個月見佢時好返少少啦.

出去有另一位女士幫我地約下次見面時間&去第二度做其他檢查, 原來我應該一早去驗血既, 好在當日即刻可以去, 重抽左好多支血呀~~~ 而照超聲波就約左下星期一, 好唔慣呢邊既睇醫生方式, 浪費時間呀~~~

照超聲波既時間就唔到蝦子餅, 佢唯有睇相啦.