2006年9月28日 星期四

蝴蝶學習班及張信哲演唱會

上星期六, 和堇一齊去左參加綠色力量舉辦既蝴蝶學習班. 原來都有幾多人參加, 都識左幾多蝴蝶既野, 而且重有本小小既賞碟圖鑑送比我地tim.
 
之後我地就o向旺角join埋Noel行陣街街, 行到旺角中心. 諗起行去扭蛋舖睇睇. 點知真係出左新既Chibi扭蛋, 跟住我既"病"就發作啦... 抽左四次呀>o< 中左係: 海豚, 熊貓, 孔雀同埋抱住粒鑽石既貓.  正o向度猶豫不決諗緊繼唔繼續抽既時候, 諗起馬鞍山極有可能冇得抽, 所以諗住就死多次啦! 好在....終於抽到了. >v< oh! 太可愛了~~~



睇返時間, 原來已經唔係淨返好多. 跟住我地就趕去尖東食飯了. 一早已經想去試一試呢間日式燒餅店, 終於今日有機食到. 聽左位小姐介紹叫左個二人餐, 諗返起其實都唔係咁抵, 下次有機的話一於散叫先.

飽飽後就到左我地既"主菜"節目, 就係去張信哲演唱會了. 諗返起唔係睇張信晢, 我同堇重會到幾時先會見到丘小姐呢. 哈哈哈~~~ 雖然我地坐得都有少少遠,  其實都唔緊要, 因為最主要都係欣賞張信哲唱既歌, 現場唱都係咁精彩. 好野!


2006年9月25日 星期一

爸媽的結婚週年紀念

早前聽媽咪提過今年係佢同老豆結婚既三十週年, 原來係今日. 原本就約好左放工到沙田睇戲食飯, 最後都係轉左去新港城. 買左飛睇七點廿五分, 時間關係所以就我地食住飯等阿妹黎. 去左維苑餐廳. 爸叫左維苑雜扒, 媽叫左curry豬扒飯, 而我就吃雞扒拼銀鱈魚. 好在今日lunch帶飯, 咁今日唔算食左好多野啦. 哈哈~~~                                                                              

突然見到阿媽戴左條珍珠頸鍊, 原來係爸送的. 咁o岩我之前放工check過三十週年即係珍珠婚, 而某個地方既習俗就會係丈夫會在三十週年呢個日子送一條珍珠項鍊比妻子, 一粒既珍珠就好似代表一年咁. 我問老豆有冇做過"功課"架. 佢話冇呀! 哈哈~~~又會咁o岩既!
  

2006年9月17日 星期日

馬鞍山

等左好多個星期, 今日終於係陽光充沛既日子, 所以當然係要行山啦. 由於我地成一點幾先出去, 所以就只係上去馬鞍山度行. 由燒烤場出發, 原本直接行去馬鞍山山頂. 但諗起好耐冇去睇過以前我地去游水既地方, 所以就去遊一遊先. 



記得以前游水既地方係成個水池咁既, 但而家就唔同了. 不過我記得好似係再行前d先係. 原本想再確認一下, 但最近成日落雨, 水位太高, 變左已經冇路可行. 所以等我得閒都係再行多次確認一下先.



呢隻蜻蜓警覺性太高, 所以只係影到正面.

行返上橋我地就由另一條路兜去馬鞍山山頂, 條路其實都幾斜, 但一d都唔辛苦. 可能因為係秋天既關係吧. 真係好鍾意而家呢d天氣>v<, 好想日日都可以去行山呀~~~ 因為知道呢條路係有好多人住既地方, 所以一路行一路都有少少驚. 好驚好似上次同堇行o個次咁突然成羣走出黎兇你o個種. 但一路咁行, 只係有幾家有養狗. 而亂吠既只有一家o者. 太好了! 呢度d人真係好. 唔會由得d狗亂咁黎.







呢隻蚱蜢真係靚, 睇下佢腳o個d花紋. 呵呵呵~~~

原來呢條路係通到去馬鞍山村車既總站, 休息左一陣. 我地就行返回程路了, 途中再試下行一行去另一條小路. 嘗試下搵唔搵到個礦洞入口, 沿路生左好多野菊花, 我地一路行, 前面既路比水浸到濕晒. 諗左一陣決定繼唔繼續前進, 終於都係決定繼續行, 搬左兩條樹枝同一舊石頭就行過去. 行左一分鐘都冇, 終於比我地發現左個礦洞入口啦. 耶~~~~多年心願終於達成. 冷靜一陣. 睇睇下個門口又唔多似, 因為平時睇d介紹書, 個入口係有一幅大牆遮住而有兩個窿o向牆腳的. 不過見門口既政府告示話呢度係礦洞入口, 可能每個入口都唔一樣吧.



唔知會唔會有機會一遊呢.

行返出黎時野菊既地方有好多蝴蝶&蜻蜓, 可能呢處比較靜吧. 所以佢地都聚集晒o向呢度. 嘗試下睇下影唔影到, 停左一陣, 終於見到有蝴蝶靜落黎, 即刻狂影. hahha~~~ 行返出黎時, 行左幾步又見到另一d品種. 正! 原來呢段路先係馬鞍山入面最多蝴蝶既. 而且都幾易影, 包括有車既馬路旁. 所以突然就多左好多"收獲"了. hohoho~~~



呢隻蝴蝶初時警覺性好高, 後來我縮埋跪o向地, 佢就好似當我唔存在咁了.



虫虫一隻



影左兩幅就要過相, 過相途中呢隻蝴蝶飛左落地, 我就嘗試用手放返佢落d花花度, 但佢即刻飛返落地. 乜蝴蝶唔係鍾意花架咩? 呢隻咁奇怪既.



影緊上面隻怪怪蝶時, 發現呢隻蝴蝶又係o向地上徘徊, 但佢好細隻. 我就嘗試用我部影唔到太細既相機影下.





 

之後一路都影度d蝴蝶雖然都係o個d品種, 但都好開心.



臨尾見到一棵花花, 都幾靚.