爸媽的結婚週年紀念

早前聽媽咪提過今年係佢同老豆結婚既三十週年, 原來係今日. 原本就約好左放工到沙田睇戲食飯, 最後都係轉左去新港城. 買左飛睇七點廿五分, 時間關係所以就我地食住飯等阿妹黎. 去左維苑餐廳. 爸叫左維苑雜扒, 媽叫左curry豬扒飯, 而我就吃雞扒拼銀鱈魚. 好在今日lunch帶飯, 咁今日唔算食左好多野啦. 哈哈~~~                                                                              

突然見到阿媽戴左條珍珠頸鍊, 原來係爸送的. 咁o岩我之前放工check過三十週年即係珍珠婚, 而某個地方既習俗就會係丈夫會在三十週年呢個日子送一條珍珠項鍊比妻子, 一粒既珍珠就好似代表一年咁. 我問老豆有冇做過"功課"架. 佢話冇呀! 哈哈~~~又會咁o岩既!