日本自遊行第五日-鬼怒川溫泉

第五日我地既目的地係鬼怒川溫泉區, 首先到左淺草, 再搭專線列車. 接近天黑時終於到左目的地, 我地o向鬼怒川站附近既手信店行下先, 再搭的士去我地住既酒店Kimugawa Plaza Hotel.



淺草站入面見到既, 應該係講緊十一月既慶典吧@@.







座椅好鬼舒適



終於到了





顏色鮮艷既牽牛花





酒店雖然舊&大堂唔算大, 但裝修都幾好, 可惜唔記得影下. 入到房後, 有職員入黎招呼我地, 以及問下有關晚餐同埋第二日既早餐安排等. 我地休息左一陣就o向酒店行下同浸溫泉了. 浸溫泉既環境就真係麻麻地了, 得三個地方浸, 一個室內另外兩個係室外, 但室外既其實都係有簷篷, 而且都係浸o向木造既池及桶內, 感受唔到室外浸溫泉既感覺, 所以我地都係浸左一陣就走了.







早上買既starbucks 綠茶味donut.

裝模作樣一下啦~~~

浸完溫泉就返房食晚飯, 嘩~~~ 真係擺到成枱都係. 雖然睇落全部細細碟, 但其實剛剛好就飽了. 之後職員入黎幫我地清好枱後再送黎甜品, 每人兩碟, 全部都係當造既栗子甜品, 我覺得甜品比剛剛既晚飯更好味. 

晚飯過後, 我地落左去酒店大堂上網, 然後就返上樓休息了.



雖然被鋪睇落好似好舒服, 但原來一d都唔好訓既. 我成晚都好似冇訓過咁, 蓋被又好熱, 唔蓋又好凍喎. 真係唔知點.