我地間房望出去既景色
酒店大堂食左個西式早餐後, 就搭酒店車去日光江戶村玩了.
其中的建築物
江戶村門口有locker出租, 所以我地鎖低d行李就可以輕輕鬆鬆入去玩了. 入到去行左幾間屋就見到有得玩變裝遊戲, 原本只係諗住扮下武士或忍者咁, 但見到d和服裝扮實在好靚, 所以比多少少錢都願了. 我地選左武士之娘, 比普通既華麗少少而又唔需要戴頭套的.
換好裝後就開始慢慢參觀, 突然有班人追追逐逐咁, 原來佢地扮演緊兵捉賊. 正當我地企o向度旁睇時, 佢地突然就行左埋黎啦, 重搵把刀黎"行"住我地tim. 哈哈~~~ 跟住其中一個就拎左我地既相機幫我地影相了, 真識搗氣氛!
行行下突然有間成間傾斜既屋, 原來係忍者修練既屋. 我地入去行左幾步就頂唔順, 暈住咁出返黎了. 好厲害! 周圍行下, 睇下日本式既花園, 然後我地就去睇d話劇咁. 雖然唔識聽日文, 但佢地d肢體語言幾好, 我地都覺得好好笑.
就係呢間令到我地頭暈暈既屋
入面d鯉魚全部好大條又好多, 而且重係一見你行埋去就即刻張大個咀的, 都好恐怖. 哈哈~~
剛行到一幢建築物時, 咁o岩遇到花魁出巡. 由兩個保鑣開路, 跟住就兩個好似日本娃娃既女仔行出黎, 後面就跟住三個裝扮冇咁華麗既女仔, 而因為花魁對屐係特別高的, 所以佢旁邊就有另一位保鑣比佢搭住膊頭行, 唔知以前既花魁出巡排場會唔會更隆重呢.
另一個劇場係比較小型, 而且係露天既地方, 其實呢個故事比之前o個個更吸引, 但因為我地要趕去下一個景點, 所以再遊覽左一陣就急急腳咁走人了. 但後來因為時間唔夠, 我地去到下一個景點都冇入去就返歸了.
呢個劇場好好笑, 可惜睇唔晒.
講日本曆史的場景.
沒有留言:
張貼留言