2008生日禮物

昨天首先收到姨媽預先比的一封生日利是, 跟住返到屋企就係阿妹放o向我枕頭底既兩set森林家族Country Botique Shop&Toy Shop. 咁快有禮物收好開心!

多謝姨媽&阿妹啦~~~



Post舊相一張, 等呢日網誌冇咁悶先.

飲食男女第660期-尋找隱世小食: 路上偶遇南丫島手制花生棉花糖

上次去南丫島時試過既花生棉花糖, 原來今期既飲食男女都有介紹, 圖文並茂, 要試就易搵好多了:

主題飲食 : 尋找隱世小食【路上偶遇南丫島手制花生棉花糖】

沒 有 叫 賣 、 沒 有 宣 傳 ， 長 年 累 月 ， 這 棉 花 糖 只 靜 靜 地 躲 在 榕 樹 灣 小 路 上 一 家 麵 包 店 的 門 外 ， 低 調 地 戙 一 塊 紙 牌 ， 寫 ： 「 特 製 花 生 椰 絲 棉 花 糖 ， 外 軟 內 脆 ， 獨 一 無 二 。 」

如 果 阿 婆 豆 腐 花 是 南 丫 島 的 大 明 星 ， 那 麼 這 小 小 的 棉 花 糖 ， 頂 多 只 能 算 是 個 茄 呢 啡 ， 連 唸 多 兩 句 對 白 的 機 會 也 沒 有 ， 只 靠 那 簡 單 粗 糙 的 外 表 ， 像 個 平 凡 的 村 姑 ， 吸 引 不 到 幾 個 過 路 的 遊 人 。

「 呢 糖 冇 乜 人 買 ， 十 蚊 四 粒 咁 貴 ， 巖 巖 巉 巉 又 唔 靚 ， 成 日 擺度 都 未 郁 過 ， 都 唔 知 整做 乜 ？ 」 麵 包 店 隔 鄰 的 士 多 老 闆 揶 揄 說 。

兩 個 半 銀 錢 一 片 ， 賣 相 也 確 實 不 佳 ， 真 的 令 人 有 點 猶 豫 。 但 住 南 丫 島 的 朋 友 告 訴 我 ： 別 讓 它 的 外 表 騙 了 你 ， 這 一 顆 白 雪 雪 、 軟 綿 綿 的 東 西 ， 其 實 是 老 闆 娘 手 做 的 ， 花 生 、 椰 絲 、 芝 麻 分 量 調 混 得 很 好 ， 香 得 來 又 不 太 甜 ， 很 好 吃 。

我 也 有 那 種 鋤 強 扶 弱 的 心 態 ， 心 想 ： 人 家 手 做 喎 ？ 掏 十 元 買 一 個 經 驗 也 是 值 得 ！ 於 是 買 了 一 包 來 吃 ， 也 和 老 闆 娘 搭 起 訕 來 。

她 告 訴 我 ， 她 本 來 只 做 麵 包 ， 棉 花 糖 只 是 趁 閒 來 客 少 的 時 候 試 試 做 ， 順 便 打 發 一 下 時 間 。 魚 膠 粉 、 蛋 白 加 水 打 至 挺 身 ， 混 入 花 生 、 椰 絲 、 芝 麻 和 砂 糖 ， 放 入 雪 櫃 凝 固 即 成 ， 就 那 麼 簡 單 ， 好 不 好 吃 全 在 打 的 時 候 要 用 心 ， 和 材 料 分 量 的 控 制 而 已 。

我 吃 了 一 口 棉 花 糖 ， 真 的 和 超 市 買 到 的 不 同 ， 棉 花 糖 沒 有 機 打 那 種 強 勁 的 挺 彈 ， 反 而 軟 軟 綿 綿 、 煙 煙 韌 韌 ， 咬 下 很 豐 厚 很 rich ， 不 是 一 陣 風 那 種 樣 子 。 甜 味 不 濃 ， 花 生 及 椰 絲 下 得 很 重 手 ， 味 道 很 香 ， 很 有 自 家 製 的 粗 糙 感 覺 。

「 試 咋 ！ 睇人 鍾 唔 鍾 意 ， 唔 鍾 意 ， 遲或 者 唔 賣 ！ 做 自 己 食 算！ 」 她 說 。

我 一 邊 吃 一 邊 和 阿 姐 談 ， 路 上 往 來 的 遊 人 很 多 ， 行 色 匆 匆 的 像 是 要 趕 完 成 一 個 甚 麼 任 務 似 的 ， 根 本 無 暇 停 下 來 ， 嘗 一 嘗 這 南 丫 島 特 有 的 淳 樸 手 做 味 道 。


佳 佳 麵 飽 店
地 址 ： 南 丫 島 榕 樹 灣 大 街
電 話 ： 不 詳

花 生 椰 絲 棉 花 糖 $10/4 粒
只 靠 一 個 簡 單 的 紙 牌 招 徠 ， 沒 有 幾 多 人 知 道 。

鳳園及九龍坑山

今日一遊鳯園, 去到門口已經見到有隻玉帶鳳蝶o向地下任人影, 我地咁o岩趕得切影左幾幅, 佢就飛走左了.

 

一去到企左陣就見到我最想親眼一見既燕鳳蝶, 佢真係好嬌小, 而且雙翼拍得好快, 我只有幸影得清楚佢既翅尾咋>o<. 

差少少時間就影唔到佢既前翅>.<

當我地離遠見到有班師兄圍住樹底時, 有位先生就同我地講有隻紅斑翠蛺蝶o向樹底任人影, 我地其實唔好意思行埋去. 點知o個位先生就幫我地同佢地講話比個位我地影下, 教埋我地要開flash先影得佢靚. 重叫我地影埋佢正面既吸管tim. 以往都覺得開左flash影既相好似唔係幾好, 原來係暗既地方用左反而令隻昆虫既顏色更加鮮明. 真好, 即刻學到野!

 

之後我地就o向鳳園周圍影, 除左蝴蝶外, 重見到其他昆虫, 植物等.

 

 

即刻開flash影既龍眼雞>v<.

 

靚蜥@@



紅桑子呀@o@





再影到玉帶鳳>v<

小麥@o@

影左一陣又返去第一期保育區, o個位先生重提我影絹斑蝶, 吸緊樹汁既蜂同破左既蛹tim. 真係好好人, 第一次遇到一位咁鍾意同人分享攝影樂趣既師兄. 多謝你呀, 曾生!

>v<透光既蛹, 其實係曾生佢黐o向棵樹比我地影到呢個效果.



之後老豆再車我地去九龍坑山山頂睇風景, 呢條路真係又長又僻又斜. 但原來上到去既風景好靚, 重係好近沙螺洞同埋鳳園tim.





沙螺洞停車處.



馬鞍山呀@v@.

蜂蜜蛋榚及曲奇

Noel 叫我地去佢屋企玩下焗爐, 我地就決定整左蜂蜜蛋榚及兩種曲奇. 雖然學整蛋榚時已經怕自己一放低後唔記得咁, 所以自己另外寫過d筆記, 但始終都係好似唔太記得點做, 我諗係因為d蛋白未打起, 所以我覺得個蛋榚冇上次咁好食.

 

而堇就整一種有加左粟米片, 朱古力粒, 橙&檸檬皮既曲奇, 我覺得好好味. 所以都諗住o向屋企試下.

 

另一種就係朱古力粒曲奇, 因為唔記得買可可粉, 所以...我自己覺得唔好味. 哈哈~~~



居然有個心型曲奇. hahhaha 係堇既愛心呀!





我地計劃兩日一夜再整野食同埋去行山.

森林家族兔妹妹花展遊

諗左好耐都係決定帶花兔妹妹去花展, 影左幾多效果不錯既相. 好開心, 希望下次可以再影多啲. 嘻嘻嘻~~~





兔妹妹帶左狗狗出黎散步.





怪怪的. 哈哈哈~~~





呢幅係我最鍾意既相. Thanks 堇~~

2008花展

星期日同堇兩支公一齊去左每年必到既香港花卉展覽. 睇左幾年, 覺得都好似大約係咁上下, 冇乜驚喜. 都係用常見既花砌成一大個公仔, 都係有一大片逼到插針都插唔入邊既鬱金香花田(今年重要有不愉快經歷), 所以影左唔太多相. 好在今日記得帶埋森林家族兔兔去做model先影得happy咋.



靚靚菊花



比較特別既直立式栽種法, 成幅畫咁.



花辦好似兔耳咁



以上全部都食得既, 不過左下o個隻菌唔知係乜呢, 好怪@_@"



香噴噴既橙花



以為佢係梅花, 原來名叫木瓜海棠



又愛又恨既鬱金香花田呀(恨係因為逼到影唔到>.<)









如果呢度係我既私家花園就好了^o^.



呢種係咪某種瓜既花呢@@



得奬作品

幾鍾意呢隻花, 似一個小花球, 而且有好多隻色.

以下都係三色堇, 又係有豐富既顏色, 大小既花. 每年都好似做陪襯咁, 但我反而好有興趣影佢.

馬鞍山- 昂平- 茅坪- 梅子林- 富安花園

今日原來媽放假, 所以就決定去行下山啦. 先搭的士到馬鞍山村總站, 到左馬鞍山及麥理浩徑分叉段, 我地都係先上一上有石船既山先, 每次都係行錯左條路, 要自己行入草叢行返上山. 哈哈~~ 今次都唔例外, 所以就影低個路口了. 其實都好易記, 就係亭隔離, 希望下次咪再錯了啦.

行左一段錯路~~終於行返o岩路了. 衝衝衝~~~

呢個山頭好多特別既石. 企o向度睇風景一流!



撐呀~撐呀~搵支行山棍投入d玩先~~~



突然o向我面前停低的斐豹蛺蝶@o@~~



之後我地就向住昂坪進發, 原來而家d草全部變晒黃色, 睇落幾得意. 因為見到有人玩放飛機, 所以我地都行左上去~~



嘩~~~ 原來行過左一遍草原後就見到咁靚既風景, 如果能見度能夠超清的話, 相信一定更靚!



影呢棵花仔, 我成個人訓左o向d草度影, 好舒服.



行返出路徑, 再行前d就見到有好多人, 原來有人玩緊滑翔傘.



可惜d風一陣一陣咁又唔夠大, 始終睇唔到佢起飛.



加油呀~~~



繼續行程~~~ 老豆突然叫停, 原來呢隻竹節虫居然o向路中心行. 唔係老豆叫住我真係以為佢只係支樹枝...



休息時間, 路旁小花...



當我影緊呢隻蛾既時候, 老豆叫我快d比部相機佢...



原來有大發現, 就係佢啦~~~



初時以為佢只係普通蜥蝪~~~



佢動作好緩慢架~~~我影完呢幅就轉左拍movie, 點知影完發覺~~~



佢變左色呀@o@~~~係咪變色龍黎架? 係咪人遺棄架呢? 因為佢行動真係極知緩慢, 重要變到咁鬼搶眼, 慌死人睇佢唔到咁.

睇完蜥蝪後就見到呢棵好得意果實既植物, 影低留念.

好快咁就行到去梅子林, 然後就到左富安食埋tea就回家了. 今日既天氣好適合行山, 好舒服.