2008年3月1日 星期六

南丫島

先到榕樹灣, 首先就去搵blog友vicki幫襯過既土耳其食店, 諗住嘆返個lunch. 途經一間小店見到一種花生椰絲棉花糖, 堇買左包即時試食, 我地都覺得好好味, 就返轉頭每人再買左一包做手信. 搵到烤餅店, 點知佢地話十二點幾先開門. 因為重有成粒鐘... 而且連早餐都未食, 所以唯有放棄, 求其搵間茶餐廳食個早餐就起行了.
 
 
十蚊四粒既花生椰絲棉花糖-好味!
 

 
隻貓好唔比面呀, 即走>.<
 
第一個目的地都係風力發電站, 路標指示都係唔太清楚. 為免行冤枉路浪費體力所以都係問左人先, 終於好快就到左了.  白色既風車襯住藍天真係好靚呢, 雖然陽光猛烈但我地都影左一陣相先行去較陰既地方. 休息左一陣, 再行埋上去發電站旁既亭欣賞埋遠處風光後, 我地就繼續下個景點了.
 

 
到啦~到啦~~
 

 

 

 

 
風車腳旁的顯示牌及背面
 

 
遠處風景~~ 又係能見度極好差~"~
 

 
座o向呢度欣賞風車轉動
 

 

 
發電站旁既亭影既風車
 
第二個景點就係洪聖爺海灘旁既香草園, 園入邊好多植物都係欄住左, 遊人不得內進. 所以都冇乜點影到相, 有少少失望. 反而驚喜既係原來養左好幾隻兔, 幾隻白色一隻黑色, 配搭幾得意.
 

 
風吹中既波斯菊
 

 

 
兔仔呀>v<~~~~~~~~~~~~~~~~~~~~~~~~~~~~~~~~~
 
遊完香草園後就往蘆鬚城出發, 上到山頂亭影下相, 再起行. 好快就到左蘆鬚城了, 行去蘆鬚城海灘, 遠見海灘旁有條路行好似係行去一個瞭望台咁既地方, 就諗住行去睇下. 原來係燒烤設施, 我地就座o向近海既石級旁休息. 順便試下堇整既愛心香蕉焗布甸, 雖然佢話賣相唔好, 但好食就得了, 而且我地重諗埋下次整多d新花款. hohoho~~~
 

 
離開香草園後路旁有呢種植物, 好得意既形狀~~
 

 
發電站
 

 
索罟灣~~~
 
到左天后古廟, 我地o向廟出面影左陣相就入廟拜一拜天后娘娘, 見到旁邊有條好長既魚標本. 原來係罕見既銀龍魚, 因為唔可以影相, 所以只係大約記得介紹欄寫既野了. 而魚既長度係我既兩大步呀(好原始的量度方法=口=), 好厲害!
 

 

 
好逼=口="""""""""""""""""
 

 
等左佢好耐都未跳@_@"""""""""""""""""""""
 
之後我地就買左好好味既椒鹽白飯魚, 原本想食埋下午茶先走, 但周圍只得海鮮酒家, 行近碼頭時見咁o岩有船就急急腳咁回程了.


沒有留言:

張貼留言