今日爸爸放假去左漁人碼頭, 爸爸話想食返上次表妹帶爸媽去食間餐廳. 我哋响碼頭行左一陣, 食完個好多人幫襯既炸魚(Granville Island好食好多, 唔明點解咁多人幫襯)就去餐廳食野.
呢間餐廳入面好多豬仔裝飾, 而餐廳標誌就係有翼既豬仔. 樹熊囝見到餐廳有啲膠豬仔, 就叫爸爸拎比佢玩. 到我哋食飽差唔多走時, 有個媽媽同埋小妹妹入左黎食野, 樹熊囝就話要比豬仔妹妹玩. 我哋同佢講, 叫佢一陣自已拎比妹妹啦.
到走時, 佢自已將自已玩過既一隻豬仔放返去原位. 我哋以為佢已經唔記得左話要比妹妹玩. 原來佢拎隻粉紅豬, 但行到埋人哋張枱又驚驚, 就咁放左响人哋張枱度就算. 哈哈~~~ 好在人哋媽媽明佢想點, 同佢講多謝同拜拜. 當時佢啲表情動作真係好得意.
沒有留言:
張貼留言