火車伯伯

自從呢個小朋友認得座小火車, 去親Metrotown商場十次有九次都會有埋呢個節目, 今日都唔例外.

今日都幾好彩, 我哋一行埋去排隊, 小火車就咁啱返到黎埋站. 呢個小朋友重好開心咁係咁同架小火車Say Hello. 今日呢位伯伯唔係之前個位, 睇落應該係亞洲人, 重友善啲. 佢一見樹熊就話佢同佢一樣係著住工人褲, 佢唔提起我都唔覺. 哈哈~~~ 座响小火車上面等開車時, 伯伯就過黎同樹熊玩, 呢個小朋友聽唔明做乜, 但笑容搭夠. 令到伯伯好鬼開心, 重話要同樹熊影相. 哈哈~~